مدونــة البحـــر
الثلاثاء، ٣ فبراير ٢٠٠٩
عامان
2/2/2007 .. 2/2/2009
عامان
كانت البداية .. بهذه التدوينة
وبعد عام .. كان الحصاد الأول
و الآن .. و بعد عامين .. كان الحصاد الثاني بــ
82 تدوينة
15575 زيارة
1191 تعليق
و بعد يومين من تاريخه .. 4/2/2009 .. سيكون قد فات <22> عاماً بالتمام والكمال .. من مجيئي لهذه الدنيا
لذا
لن أجد افضل من هذه المناسبة السعيدة .. لنشر قصيدة غالية جداً على قلبي .. جاءتني كهدية .. من الصديق العزيز محمود سليمان أبو العزم .. صاحب مدونة رحلة إلى نفسي
يقول شاعر دفعتنا العملاق –بارك الله في عمره- على لسان مدونة البحر
و إيه يعني
حدودكم مش هتمنعني
ومهما هتمسكوا الكرباج
مافيش كرباج هيوجعني
أنا البحر اللي عاش هادي
بصوت الحق بينادي
يعود الحق لبلادي
أنا البحر اللي لو يوم هاج
ماحدش يكسر الأمواج
و لا فيه شئ يرجعني
ومهما هتشتروا سكوتي
ومهما هتحلموا بموتي
لا بتنازل ولا برجع
وسوطكم مهما راح يوجع
فصوتي في الحياة سوطي
وهفضل أقول بصوت الحق
ووقت الظلم هصرخ لأ
مصير الحق راح يظهر
ويطلع للحياة صوتي
وكل الدنيا تسمعني
ومهما الجرح في ّ يطول
مادام في الحق هفضل أقول
و إيه يعني
محمود .. إني احبك في الله
***
بهذه المناسبة أيضاً .. أسعد بالإعلان .. عن مدونة جديدة .. لمدون غالي .. ذلك هو خالي : توفيق رشدي .. مدونة ابن الريف
وبهذه المناسبة .. أزف إليكم بشرى .. افتتاح مدونة عظيمة .. تحت اسم .. كلنا مقاومة .. و اهديها و أهديكم هذه الأنشودة .. علي السبابة .. لفريق الوعد اللبناني
***
وبهذه المناسبة أيضاً .. يسعدني أن أهنئ .. المدون الفاضل والصديق العزيز .. محمد صبحي .. صاحب مدونة دكتور حماس .. بمناسبة خطوبته المباركة .. للدكتورة الفاضلة : سحر رمضان .. صاحبة مدونة نحو قلب ينبض بحب الله
وتكمن سعادتي .. في أنى شاركت –ولو بجزء بسيط- في التسهيل لإتمام هذه الخطوبة .. وقد كان ذلك بمشيئة الله وفضله وكرمه ومنه .. ومن غير قصد مني
و عقبال جميع الزملاء .. وجميع زائري المدونة .. وخاصة .. ابن الأزهر و أبو حسن و المشاغب
وماتسألونيش اشمعنى التلاتة دول لأني مش هاقول لحد لان الله حليم ستير
كل عام و الأمتين العربية و الإسلامية في أمن و أمان و كرامة و عزة و نصر
18 Comments:
السلام عليكم
وكل عام وانت الى الله اقرب وعلى طاعته ادوم
ومبارك لخطوبة صاحبك وعقبال زمايلك التلاته اللي نفسي اعرف اشمعنى هما,بس مش هتطفل واسال,لكن مش عقبالهم بس عقبال كل شباب وبنات المسلمين لما يكملوا نصف دينهم,
وبجد ماشاء الله القصيدة جميلة جدا تسلم ايد اللي كتبها.
أزال المؤلف هذا التعليق.
كل سنه وانت طيب يا ابو حميد مش عارف اقول ايه الحلاوه دى لمين
لمحمود اللى كاتبلك الشعر
ولا لمجهودك اللى خلاه يكتب الشعر ده
على العموم يارب تكون المدونه فى ميزان حسانتك
ومنتظرين منك تكون صوت الحق دايما
ومتنساش تسلملى على
محمد صبحى وتباركله علشان هو انسان محترم بجد
وعقبالك و كل شباب االمسلمين
كل عام وانت بالف خير وتحقق كل امانيك ويصل صوتك عاليا للناس ويقدرك الله على فعل الخير
(:
تجيد رسم الإبتسامة يا دكتور ...
و لكن بطرق أخرى ..
كل عام و أنتم الى الله أقرب
كل عام وانت بخير
وبحق مدونتك رائعة
ربنا يتقبل
وكل عام ومدونتك فى ازدهار
جميل جداً هذا الحصر
وأجمل هذا الشعر
خليك ايجابي وشارك معنا
فى نصرة اهلنا فى فلسطين
اشترك معنا فى
رابطة مدونون من اجل فلسطين
http://bloggersforpalestine.blogspot.com/
السلام عليكم ورحمة الله وبركاته
مبروك اولا ع المدونة وثانيا ع خطوبة صاحبك وعقبال التلاتة اللى قولت عليهم وعقبالك انت كمان
وكل ام وانت بخير وبارك الله فى عمرك وسهل لك دربك.
كل عامٍ وأنت إلي الله أقرب
تعرفتُ علي مدونتك في رصاصاتك الثلاث
وقد كان تعارفاً كفيلا بأن يجعلني أحبك في الله
ثبتك الله
والقصيدة رائعة وموزونة ما شاء الله وهو ما أصبح نادراً في عالم ما يسمي بالشعر المعروض علي المدونات
تحياتي
كل سنه وحضرتك طيب
والف مبروك
كل عام وانت والمدونة بخير
ومبروك للخطوبه
وعقبال الجميع
السلام عليكم
كل سنة وانت طيب وعقبال 100 سنة ان شاء الله ..
تحيتي
كل عام وأنت بخير د.أحمد
وعقبال التدوينة الألف ..
كل "عامين" وأنت طيب ومدونتك بالصحة والعافية ..
على فكرة .. الأصل في الخطبة أن تكون سراً وألا يكون فيها إعلان ، قال صلى الله عليه وسلم : " أسروا الخطبة وأعلنوا النكاح "
يا ابني انا كتبت تعليق هنا المره اللي فاتت ومش عارف راح فين
المدونه دي فيها اشباح ولا ايه
ماعلينا
انا يا خويا اللي نفسي اجوزك
ومش هقولك واحده قادره ولا حاجه
انت كفايه عليك واحده عاديه هتطلع عينيك لواحدها
اصلك مش محتاج حد جامد يعني
وهتقعدك في البيت تطبخ وتغسل وتبطل سياسه خالص
ههههههههههههههههههههههههههه
ربنا يوفقك يا بيسو بجد وتلاقي بنت الحلال
تحياتي
كل سنة وانت طيب يا أبو حميد
وعقبال 100 سنة تدوين
و500 سنة بكل صحة وعافية
وما ذلك على الله ببعيد
كل سنة والبحر وامواجه بخير
متاخرة معلش بس النت عندي تقيل وسيء جدا
والف مليون مباااااارك لكل المناسبات السعيدة اللي تزامنت مع يوم ميلاد المدونة
ورائعة كلمات محمود ابو العزم بارك الله فيه وادام الحب بينكما
تحياتي
إرسال تعليق
<< Home