مدونــة البحـــر

الجمعة، 23 يناير 2009

22/ كبار ولكن أقزام

...
صغار ولكن عمالقة .. هنا
...
..
.
كبار ولكن أقزام

قائد حرس في إحدى المدن الجامعية بطنطا .. اجتمع بأئمة المساجد في المدينة مع بداية العدوان على غزة .. وطالبهم بــ

عدم قراءة أي أية من آيات الجهاد في الصلوات الجهرية

عدم الدعاء للمجاهدين والمحاصرين في غزة

عدم السماح لأي من الطلاب بإلقاء كلمة بعد الصلاة

صدق المثل القائل

إذا كان رئيس الدولة للمعبر مغلقاً .. فشيمة أمن الدولة الكبتُ و المنعُ
***

كنا نشترى عشاء من أحد المطاعم .. كان يقف بجانبنا أحد العمال والذي سمعني وصديق عزيز نتحدث عن استخدام إسرائيل لقنابل فسفورية حارقة وقنابل يورانيوم منضب صغيرة الحجم ومحدودة المدى تسمى "دايم" .. فوجئنا به يدخل في الحوار
هو : انشالله يولعوا فيهم كلهم

أنا : يا رب

هو : اصل شعبهم كله عميل ، وباعوا أرضهم ، وعاوزين الولعة كلهم

أنا -بعد الإفاقة من الصدمة- : أنت بتقصد أي شعب ، الفلسطيني ولا الصهيوني

هو : الفلسطيني طبعاً ، دول ناس باعوا أرضهم وكلهم عملاء و عايشين على فلوسنا وتبرعاتنا ، و عمالين يقتلوا ويدبحوا في بعضهم البعض ، أنا كنت معاشر ناس منهم في الدول العربية ، دول اوسخ شعب ، و أنا بأتمنى إن إسرائيل تبيدهم كلهم


أخذت "الطعمية" وانصرفت أنا والصديق ولم ننبس ببنت شفة ، ونحن في حالة صدمة حقيقية ، فـ "دماغ زي دي ماينفعش معها حوار عشان تفهم وتعي ، دي دماغ عاوزه تتنسف ويعاد بنائها من أول وجديد".

***

من اكثر الصور التي تألمت منها .. هذه الصور























وتبين ضابط أمن دولة وقح ، بـ "يدفع ويهين" ضيفنا الأستاذ الفاضل : غازي حمد .. المتحدث باسم حماس ، وهو على معبر رفح المصري ، والصور منقولة من فيديو بثته قناة الـ سي ان ان .. هنا الفيديو .. وهنا تفاصيل الخبر

لو كان الضيف ده إسرائيلي .. كان هيتجرأ الوقح ده و"يزقه" .. لا والله .. دول كانوا قطعوا رقبته

ولكن مادام من حركة مجاهدة إسلامية ومتحدث باسمها فلازم يؤذي ويضطهد و يمنع
...
..
.

بأمثال هؤلاء و أشباههم يتأخر النصر وتلوح الهزيمة

posted by أحمد سعيد بسيوني at 11:00 م

10 Comments:

اهو هو دا اللى ينرفز بقى
اقول ايه بس
غبى متخلف بس ...
اقول ايه
كلب حكومة يعنى اهو هو كده بالظبط
عيل بشخة يمد ايده على دكتور...

24 يناير 2009 12:44 ص  

حسبنا الله ونعم الوكيل

24 يناير 2009 10:56 ص  

هو انت مستغرب ولا ايه

عن نفسي ان مش مستغرب

ده شيء متوقع

الغريبه بقي لو معملوش كده

ليهم يوم

صدقني لا التاريخ هيرحمهم ولا احنا هنرحمهم ولا اولادهم هيعملوا

ودي ديما القصة التقليدية في زمان ومكان وهما بيؤدوا دورهم تمام

مش دول الذين اطاعوا ساداتهم وكبرائهم

فن يغنوا عنهم من الله شيئا


بارك الله فيك وهدي اعصابك

24 يناير 2009 2:45 م  

السلام عليكم ورحمة الله اللهم لا تؤاخذنا بما فعل السفهاء منا
ما اعرفش ايه الادمغة دي تخيل دة برضه اللي لقيته في اغلب الجيل القديم شوية لما خلاص الواحد حاسس انه من كوكب اخر او انه هو بقى اللي فاهم غلط ولما تيجي تتكلم مع الادمغة دي ما بينوبكش الا الصداع والتهاب الزور وتتكلم معاه طيب نقف جنبهم بالدعوة وحتى مقاطعة اي حاجة تقدر عليها يبصولك كانك انت عيان بدماغك واخرتها ارجع انا بجد عيانة ونفسية الواحد في الحضيض ودة بسبب ما اتربوا عليه من انهزامية وتزييف تاريخ وحقايق وعليه كان قرار كلنا مقاومة اقله نقدر نسيب حتى حاجة تتكلم للجيل اللي موجود والللي طالع يارب نقدر يارب

اما عن الشيء اللي اهان متحدث حماس في بلادنا
اللهم لا تؤاخذنا بما فعل السفهاء منا
ولو كان يدرك كان قبل قدميه
لكن هنقول ايه
بارك الله فيك

25 يناير 2009 1:43 ص  

الاخ احمد
انا اول مرة ازور مدونتك,
بشكرك على كلماتك في تعليقك في مدونتي,وباسف جدا ان اول زيارة ليك عندي في موضوع زي ده,
انا تقريبا قرات مدونتك دي كلها,
ومش عارفة اقول غير حسبي الله ونعم الوكيل في الظلمة المفتريين,
وربنا ينصر الاسلام والمسلمين اللي بيجاهدوا لاعلاء كلمة الله,
وربنا يجزي خير كل اللي حاول انه يعبر عن غضبه من اللي بيحصل ولم يخش في الله لومة لائم.
وربنا يهدي بقى اصحاب العقول القذرة.

25 يناير 2009 2:07 ص  

اااااااااااه
الامن دائما قامع يا اخى
دا اولا
ثانيا
كثيييييييييير من المصريين مخهم زى العامل الذى تحدثت عنه
يبدو انهم يستسقوا معلوماتهم من القناه الاولى
اما ع عن الاهانه التى فعلها هذا الاحمق
فوكانما اراد الله ان يفضح هذا الامن كله
وحسبى الله ونعم الوكيل
دمت مبدعا

25 يناير 2009 3:09 ص  

مش كفاية بيرخمو علينا واحنا دخلين المدينة تؤلش الجنة يا خويا
...
هتلقيك ما اتنقشتش معاه كالعادة عشان تلحق تأكل الطعمية وهى سخنة مانا عارفك
....
عايز ايه من واحد جايب ستين فى الميه وبالوسطه يدخل الشرطة أو الحربية

29 يناير 2009 10:17 م  

الصورة عمرها ما كانت واضحة ولا هتكون الا لو رجعنا للتاريخ ونشوف فعلا هل اهل فلسطين باعوا ارضهم فعلا ولا لا وحتى لو باعوها ياترى باعوها بمزاجهم ولا اجبروا ع بيعها لازم يا جماعة نقرا تاريخينا وتاريخ الامة الاسلامية عشان الصورة تبان بوضوح.
ع فكرة فى كتير اوى زى العامل اللى اتكلم دا بس صدقنى العيب مش يرجع ليه لوحده العيب فينا احنا العيب فى الاعلام المصرى اللى بيصور عن اهل غزة انهم ابشع ناس وانهم عايزين يسيبوا بلدهم ويجيوا يحتلوا ارض سيناء يا جماعة دى ناس عايزة تموت ع ارضهما شهيدة المطلبين اللى بيتمنوهم من ربنا اما النصر او الشهادة فى الاخر بدل ما ندعليهم نقوم ندعى عليهم

لكى الله يا غزة.

3 فبراير 2009 7:48 م  

الموضوع ده جميل جدا وهو احد موضوعين ضحكوني جدا
سبب ضحكي في الموضوع ده
الراجل بتاع الطيبين(اعتقد)
انا شفت ناس برده تفكيرها للدرجه دي
ده انا سمعت ان باراك او اولمرت مش فاكر بكى من منظر الاطفال اللي بيموتو
يعني لما شيخ المنصر بتاع الاسرائيليين يقول انه بكى او اتاثر حتى لو بالكدب
وواحد عربي او حتى مش عربي يكون فرحان فيهم ويدعي عليهم
الموضوع قلب معايا بضحك بصراحه

اما الجزء التاني فانا بصراحه قبل ما اسمع الفيديو توقعت انه هيكون فيه مبالغه منك او تحيز
لكن بصراحه بعد لما شفته بصمت بالعشره على كلامك
وانت ليه جبت مثال بمسؤول اسرائيلي
من غير حتى ما يكون مسؤول
ده السياح اللي بيجو يزورو مصر من الاسرائيليين حتي
بلاش
المواطن المصري العادي
محدش بيعمل معاهم كده من غير سبب
وياريته حتى لواء ولا حد كبير في الدوله
ده شكله صغير خالص
طبعا هو يستاهل الكلام اللي انت قولته عليه
لكني هختلف معاك برده في اسلوب الحوار اللي شايفه لازم يكون احسن من كده

تحياتي

5 فبراير 2009 4:16 م  

بس إنتا غطلنا إنك سيبته ومشيت

أنا سمعت نفس الكلام من ناس كتير
وفيهم قرايبي
قعدت أتكلم معاهام بالساعات
ووضحتلهم إن الجزء اللي باع أرضه كانوا أفراد إقطاعيين من غير أهل البلد
زي واحد مكسيسكي مثلاً وباني بيت على حتة أرض ليه في طنطا (مثلاً يعني)
وإن عصابات الهاجاناه وغيرها هجروا الملايين وأبادوا مئات القرى

لازم نفهم الناس الجاهلة دي إن القضية كبيرة
وإننا مش بندافع عن شعب فلسطين بس ( رغم إنه ده مش قليل ومش عيب )
لكننا بندافع عن قضية أكبر
قضية ناس عايزين يهدموا المسجد الأقصة وقبة الصخرة ويبنوا الهيكل المزعوم

حتى لو كلامك مجابش نتيجة معاه (وده أغلب الظن) يبقى إنتا عملت حاجة مفيدة إنك مسيبتش المعلومات الهبلة دي في دماغه لوحدها .. لا ، ده إنتا حطيت معاها معلومات مضادة
ولو واحد بعدك حب يوضحله الصورة تاني هيبذل مجهود أقل وهكذا لحد ما الناس دي تفهم وتعقل

10 فبراير 2009 2:55 م  

إرسال تعليق

Links to this post:

إنشاء رابط

<< Home