مدونــة البحـــر

الثلاثاء، ٨ يوليو ٢٠٠٨

اوجه رسالة ... فأقول


بسم الله

كثيرة ٌهي تلك المشاعر التى تعصف بنا نحن طلاب الفرقة الخامسة بطب طنطا بعد امتحانات الـ20% ، بعد عام دراسي استمر قرابة الـ10 أشهر وفي انتظار الإمتحانات النهائية خلال شهرين قادمين


فما بين رضا وسخط ، وفرح وحزن ، وثناء وعتاب ... تجتاحنا جميع تلك الأحاسيس

رضا من البعض والذين وفقوا في الإمتحانات ... وسخط البقية ممن تعثروا

فرح من بعضنا ممن استطاعوا دخول الإمتحانات ... وحزن من البقية ممن حالت الظروف دون دخولهم الإمتحان فأجلوا

ثناء من معظمنا على نظام الإمتحان والذي لم نفاجأ به لعلمنا المسبق بكيفيته ... وعتاب من البقية الباقية على بعض الأسئلة الغامضة والتي لا تجد تفسيرا


شخصياً .. أريد أن اوجه رسالتين


رسالة شكر ... إلى جميع الأساتذة والدكاترة الأطباء في قسمي الباطنة والأطفال - وعلى رأسهم رئيسا القسمين - على ما بذلوه معنا من مجهود كبير وشاق طوال العام ، سائلاً المولى عز وجل أن يجعله في ميزان حسناتهم وأن ينفعنا بما علمنا – سبحانه - وعلمونا ، واسأله - تعالى - أن نصبح أطباء على مستوى عال ٍ من التميز العلمي والأخلاقي كأساتذتنا في القسمين
الدكتور اسامة عبد رب الرسول

رسالة رجاء ... إلى الدكتور أسامة عبد رب الرسول / رئيس قسم الأطفال ، والدكتور عبدالمطلب عيسى / رئيس قسم الباطنة

أن يرأفوا بحالنا في ما تبقى من إمتحانات


فبعد عام دراسي استمر طويلاً

وفي صيف من المفترض أن ننعم فيه بالراحة بعد مشقة أشهر عديدة

ومن مصيف حُـرمنا منه تماماً هذا الصيف

وفي جو حار خانق

في وسط كل هذه المعاناه تأتي امتحاناتنا النهائية



دكتور عبدالمطلب عيسى ... دكتور اسامة عبدرب الرسول ... جميع الأساتذة الأطباء في القسمين


جزاكم الله من خير الجنة .. فنحن حقاً نفخر بأننا من تلاميذكم


*************************

الزملاء الأفاضل .. والزميلات الفضليات .. في الفرقة الخامسة


إذا وجهتم رسالة إلى قسمي الباطنة والأطفال ، فماذا ستقولون ؟

posted by أحمد سعيد بسيوني at ٨:١١ م

11 Comments:

معلش يابيسو إنت وطيت أوى المرادى
إنت هتتذلل عشان يجيبو إمتحان سهل
يبنى إنت ذاكر وادعى ربك
طب حتى لو كلامك ده هيجيب نتيجة كنا قولنا ماشى
بس إنت بتنادى إتنين يمكن من وجهة نظر ناس كتير الدكتور أسامة أفضلهم
اسمع بقى ياجميل النظرية الأسامية بتقول إيه:
العشرين ف المية بالإحسان
آخر السنة بالعدل والميزان
التأجيل وما ظلمناهم ولكن كانوا أنفسهم يظلمون
وطبعا الإحسان إنت شفته ومنه تقدر تتوقع العدل والميزان
يابيسو سيبها على الله

٨ يوليو ٢٠٠٨ في ٩:٥٦ م  

انا لو عايزة اوجه رسالة لرئيس قسم الأطفال هقوللو انت بجد راجل مخلص في عملك و فعلا عملت اللي عليك و زيادة طول السنة...ربنا يكرمك والله
بس ده طبعا ميمنعش اني حاسة انو حالف يسقطنا ..الامتحان كان صعب جدااااااااااااااااا على الأقل بالنسبة ليه.. انا اول ما اخدت ورقة الامتحان و الله كنت هسيب الورقة و امشي .اصلي حاجة من اتنين يا هشيلها يا هجيب مقبول يعني لو ربنا كرمني.


معلش الحمد لله

اما رئيس قسم الباطنة فأنا محوشالو كلام كتيييييييييييييير اوي ممكن ميكفيش اقولو كله هنا لكن كفايا بجد أشكره على الروند.انا فعلا كنت بستفيد لأني كنت بعمل حاجات كتير اوي في الروند...ساعات انام.ساعات اكل .ساعات اقرأ قران.ساعات اتكلم مع اللي جنبي.. والله الواحد كون صداقات جديدة في روند الباطنة ده.!!
انا فضلت 150 يوم مستنية ان دكتور يدخل يشرح مش يسأل.وطبعا ده عمره ما حصل. .ده طبعا باستثناء قلة قليلة جدا ممكن يكون حظك حلو و ميدخولوش في القاعة بتاعتك اصلا.
بمناسبة القاعات على فكرة ده طبعا نظام هايل و قمة العدل!!!!!!!!

بس برده الحمد لله...اصل احنا خدنا على البهدلة و لو متعذبتش متبقاش في كلية طب..و يبقى انت اكيد اكيد في مصر!!!!!

٨ يوليو ٢٠٠٨ في ١١:٢٩ م  

ههههههههههه
ازيكم عاملين ايه؟؟؟
والله الواحد زي ما دخل زي ما هيطلع من الكليه دي فلله ابيض يا ورد...
امتحان الاطفال اللي عمالين يقولوا هنغير النظام ونخللي الطالب يفكر كله معتمد علي الحفظ ثم الحفظ والصميم هيحل ميه ميه وربنا معايا بقى اصل انا لا مؤاخذه يعنى بحب افهم ....
هييييييه دنيا معلش هنعمل ايه؟

٨ يوليو ٢٠٠٨ في ١١:٤٤ م  

اشكرك اخى الفاضل وزميلى د احمد على مشاعرك الحانية التى احسست بها فى كلامك واشكرك ثانية على ان اتحت لى هذة الفرصة ان اتوجه الى كل من علمنى حرفا عامة والى هيئةالتدريس بكلية الطب وبالفرقة الخامسة خاصة بالشكر والامتنان العميق
صدقونى اخوتى الفضلاء كم كنت ادهش من تقبيل طلاب العلم لايدي علمائهم لكنى الان لا استحى غضاضة ولا اتكلف رياءا من تقبيل ايدى علمائنا واساتذتنا الذين لم يبخلوا علينا بشئ من علمهم
اساتذتنا وعلماءنا كم نقدركم ونجلكم ونحيى ذكركم
مرة ثانيه وليست باخيرة اتقدم بالشكر لك اخى وحبيبى احمد على ان اتحت لى هذه الفرصة
والى لقاء

٨ يوليو ٢٠٠٨ في ١١:٥٤ م  

بصراحة انا حاسة ان كلام حضرتك مش هيغير شيء لانهم اكيد هما عارفين الظروف دي كلها وكل سنة خامسة بتمتحن في نفس الظروف وفي نفس المعاناة بس يكفيك شرف المحاولة
اما بالنسبة للاطفال
فبصراحة من اجمل الاقسام اللي شفتها من اول ما دخلت الكلية الاستاف كله عاوز يفيد وبجد منظومة منظمة جدا
ودكتر اسامة فعلا من اجل الشخصيات اللي قابلتها السنة دي بغض النظر عن الامتحان بس فعلا هو عارف شغله كويس ربنا يكرمه
اما الباطنة فبجد انا استفدت من الروند ان التكرار بيعلم الشطار الي جانب طبعا دكاترة كتير كانو بيشرحوا حلو خالص بس قاعات وقاعات
اما امتحان الباطنة فالام سي كيو كان كويس اما البروبلم فكانت عاوزة تفكييييير وطبعا احنا احسن ناس تفكر وتشغل دماغها
ربنا يسترها في اللي جي لانه اتقل بكتييييييير

٨ يوليو ٢٠٠٨ في ١١:٥٨ م  

طيب و الزملاء اللى و لا ف باطنة

و لا فى الفرقة الخامسة


ما يعلقوش و لا ايه

٩ يوليو ٢٠٠٨ في ١٠:١٥ ص  

نقول السلام عليكم ورحمة الله وبركاته
والله بحيى على كل الزملاء والزميلات وكلامهم اللى زى الفل والعسل والياسمين والتنوع الرائع فى الكلام
وبالنسبة ليا انا
ففعلا كلمة شكر وعرفان لاساتذتنا الافاضل اللى كانوا بيدخلوا يشرحوا وعاوزين يفيدونا وكمان للاساتذة اللى كانوا بيحاولوا ها كان نفسهم بس يمكن العيب فينا احنا على العموم
دكتور اسامة فعلا من احسن الشخصيات اللى مرت علينا السنه دى وده بشهادة الجميع وكمان قسم الاطفال لم يختلف عليه اثنان بغض النظر عن الامتحان واللى فيه واللى هيجرى فيه سواء اعمال السنه او اخر السنه ربنا يستر
وكمان قسم الباطنه المجتهد جدا ومحاولاته الضانية فى النهوض والتقدم
والله نفسهم يبقوا زى الجامعات المحترمة بس مش فى التعليم فى نظام الامتحانات فقط يعنى البروبليم اللى السنه دى ليها النصيب الاوفر فى الامتحان هل احنا تدربنا عليها وعلى حلها بما فيه الكفايه اشك فى ذلك ففى الراوند قلة قليلة من الدكاترة ما ذكر بروبليم وطريقة حلها ويوم ما يذكر تكون واحدة او اتنين فقط لا غير زى جرعه الدوا الوان دوز هههههههههههههههه
وياريت يسمعوا كلامك ويعاملونا بحنيه
بس بحنيه اكتر شوية من اللى شفناها فى العشرين فالميه
وما نتحرمش العمر كله من عطفكم علينا كما يقول المطرب وحيد الاخرص
وياااااااااااااااااااااارب
انت عالم بحالنا وعارف اللى فى نفسنا
قولوا
آآآآآآآآآآآآآآآآمين
ثانكس الوت
سى يو لاتر

٩ يوليو ٢٠٠٨ في ١٢:٤٧ م  

يعني التعليق هنا لطب بس

ماينفعش تجاره انجليزي يعني
:))


فعلا بجد حاجه سخيفه جدا نظام التعليم عندنا


ربنا ييسرلكم يارب ويوفقكم جميعا
وتصبحوا دكاتره مهره

١٠ يوليو ٢٠٠٨ في ٨:٢٩ م  

انا مش طب طنطا ومش فى الفرقه الخامسه لكن عايز اقول لقسمى الباطنه والأطفال فى اى مكان
اتحرقوا على بعض:))

١١ يوليو ٢٠٠٨ في ٢:٢٠ م  

ربنا يكرمك يارب وينولك مرادك

١١ يوليو ٢٠٠٨ في ٤:١٥ م  

ربنا معاكم

جزيت خيرا على زياره مدونتى

١٢ يوليو ٢٠٠٨ في ٣:٣٤ م  

إرسال تعليق

<< Home