مدونــة البحـــر
السبت، ٥ أبريل ٢٠٠٨
في يومين
اعتذر عن التطويل ولكنه غصب عني والله وقد اختصرت قدر الإمكان
الأربعاء 2/4/2008م
حملة التبرع بالدم
*****************
كنا قد اتفقنا – كمجموعة زملاء - مع إدارة الكلية - اتفاق مبدئي - على القيام بحملة تبرع بالدم لصالح أحد البنوك وهو " بنك الدم الإقليمي" بطنطا / سيجر، واتفقنا مع البنك على جعل يوم التبرع هو يوم الأربعاء 2/4 ولكن الموافقة الرسمية من إدارة الكلية تأخرت لظروف لا نعلمها ، وكنا قد أعلمناهم بيوم الحملة وذلك بجواب رسمي من بنك الدم إلى عميد الكلية وموضح فيه يوم التبرع ، وكنا قد قمنا بعمل الإعلانات اللازمة وغيرها
ورقة اعلان عن الحملة
تفاجئانا يوم الأربعاء بعدم علم الكلية ورفضها للفكرة ، وكانت سيارة التبرع قد دخلت المجمع فتم إخراجها في سلوك غير مقبول لان الحملة في المقام الأول والأخير حملة إنسانية بحتة ، وسمح لها بالوقوف أمام المجمع الطبي من الخارج
ورغم كل هذا كان الإقبال على التبرع كويس جداً بشهادة الأستاذ طاهر أحد المسئولين من بنك الدم عن الحملة والذي اخبرنا أن عدد الأكياس قد تجاوز الـ70 كيس وهو رقم كبير ولولا انه تم إخراجنا من المجمع لكان الرقم اكبر من هذا بكثير
وأنا انتهز هذه الفرصة لأشكر زملائنا الطلاب والطالبات في مشاركتهم في هذه الحملة و أسال الله تعالى أن يجعل عملهم هذا في ميزان حسناتهم يوم القيامة
سؤال لعميد الكلية : لماذا تم إخراج الحملة من المجمع ؟؟؟
يوم الأربعاء 2/4/2008م
ندوة للدكتور نبيل فاروق
**********************
ورقة الاعلان عن الحفلة
كانت هذه هي ورقة إعلان عن ندوة للكاتب الكبير نبيل فاروق – صاحب سلسلة رجل المستحيل وملف المستقبل وغيره - في كلية التجارة يوم الأربعاء أيضا ، والتي كان من المقرر أن تبدأ الساعة الثانية عشر ظهراً وكنت قد نويت أن أحضرها
الدكتور نبيل فاروق مع الطلاب
في اليوم الموعود جاءت حملة التبرع بالدم ودخول رئيس قسم الباطنة لنا في الراوند ، فتأخرت عن الذهاب إلى الندوة من البداية
الدكتور نبيل اثناء الندوة
كنت أمام كلية التجارة الساعة 1.30 بعد الظهر فاتصلت بأحد الزملاء داخل الندوة فاخبرني أنها بدأت منذ دقائق قليلة
توجهت إلى البوابة للدخول فتم منعي إلا بعد الاستئذان من قائد الحرس ، ذهبت لقائد الحرس و أخبرته بالموضوع فرفض دخولي متحججاً بان الندوة على وشك الانتهاء فأخبرته أن زملائي في الداخل يقولون إنها في بدايتها و أني طالب كلية طب وتأخرت بسبب المحاضرات وخلافه إلا انه وبغباء وتعنت رفض السماح لي بالدخول ، بصيت له بصه وحشة – أوعى وشك - مغزاها " جو تو هل " وعدت أدراجي
الدكتور نبيل يوقع الاوتوجرافات
زملائي من داخل الندوة وافوني بصور للندوة وان الندوة كان موضوعها الرئيسي عن أمراض الكبد ولم يكن لها أي جانب أدبي أو خلافه
يوم الخميس 3/4/2008م
****************************
كان هذا هو اليوم المنتظر ، يوم حفلة اتحاد الطلاب المعين والتي تحت عنوان " ختام الأنشطة الطلابية!!!"
برنامج الحفل
كان الإعلان عنها قد بدأ قبل أسبوع من موعدها ، يقول هذا الإعلان أن الدخول إلي الحفلة سيكون بـ" بطاقة دعوة " تؤخذ من طلاب الاتحاد المعينين !!!
لأول مرة في حياتي أرى حفلة عامة يكون الدخول لها بـ" بطاقات دعوة " ، حفلة من المفترض أنها لجميع طلبة الكلية يقوم بها اتحادهم المعين يكون الدخول لها بـ" بطاقة " تـُطلب من طلاب الاتحاد !!!!!!
سابقة هي الأولى من نوعها في تاريخ الجامعات المصرية .. والسؤال هنا لمااااااااااذا ؟؟؟ اترك الإجابة لأعضاء الاتحاد
المهم تصرفت في بطاقة دخول ، وكان ميعاد الحفلة في تمام الـ11.30
كان عندنا في الراوند رئيس قسم النفسية والعصبية – خلي بالك رئيس القسم برضه - والذي أخرنا في الخروج إلى الساعة 12.15وذهبت بعدها لصلاة الظهر وتوجهت إلى الحفلة وكانت الساعة 12.45 وكانت الحفلة ما تزال في بدايتها !!!!!!!!! والسؤال ازاي حفلة معادها الساعة 11.30 تبدأ الساعة 12.30!!!
صورة من الحضور
دخلت إلى الحفلة بدون أن يطلب مني أحد من الواقفين على الباب بطاقة الدعوة رغم انهم كانوا بيلموها – يمكن عشان الهيبة والوقار و .... ههههه- وكانت الحفلة قد بدأت بتلاوة عطرة لآيات من كتاب الله
المنصة والزميل يقرأ القران
حضر الحفلة الدكتور محسن مقشط وكيل الكلية لشئون الطلاب والدكتور رزق الخولي رئيس قسم الفسيولوجي
قـُدم بعدها للدكتور محسن مقشط ليلقي كلمته والتي تحدث فيها عن دور إدارة الكلية في دعم أنشطة الطلاب !!!
و أضاف أن الطلبة يحب أن تسود بينهم روح الحب والعطاء و أكد على معنى الحوار وحتمية وجوده بين الطلاب والذين يعتبرون الفئة المثقفة من الشعب
وتحدث أيضا عن يوم الأحد 6 أبريل و أكد على أن البلد لا يمكن أن تنهض بإضرابات أو إعتصامات وان الحضور و المشاركة هم الأداة للتغيير !!!
وانتهى حديثه بـ" حث الطلاب " على الحضور يوم الأحد وعدم التغيب
من اليمين الدكتور رزق الخولي والدكتور محسن مقشط
تحدث بعدها الدكتور رزق الخولي رئيس قسم الفسيولوجي ، والذي ذكر في بداية حديثه قصة حصلت معاه ، و أنا لا اعرف مغزى أو تفسير لقولها أو التحدث بها في هذا الموقف !!!!
يقول الدكتور رزق : من كام سنة كده دخل علي في امتحان الشفوي طالب ملتحي وعليه علامة الصلاة والتقوى وخلافه ، يقول: فسألته السؤال الأول فيرد علي : هه ؟؟ يقصد انه لا يدري وكذلك السؤال الثاني والثالث والرابع والطالب كل إجابته هه ... لا يدري ولا يفقه شيئا
يضيف الدكتور رزق : دخلت بعده مباشرة طالبة متبرجة وهشك بشك من بتوع البناطيل والبادي ، و أسالها السؤال من هنا وهي زي الصاروخ – حسب تعبيره – فقلت لها والله لو عندي درجة أعلى من الأربعين لكنت اعطيتهالك
الحقيقة أنا مختلف مع الدكتور رزق - في ذكره لهذه القصة - جملة وتفصيلا
من ذكره للقصة أراد أن يربط – على حد فهمي – بين الالتزام وعدم التفوق وهذا أمر غير صحيح بالمرة
بل بالعكس تجد أن معظم الطلبة الملتزمين متفوقين ومعظم المتفوقين ملتزمين دينياً
و أنا لا ادري ما الغرض من ذكره لهذه القصة في هذا الحفل وما الرابط بينها وبين موضوع الحفل !!!!
و أنا أؤكد على أن الموقف الذي ذكره الدكتور رزق " موقف فردي " لا يعبر إلا عن صاحبه وفقط ، فليس معنى أن هناك طالب ملتزم وغير متفوق بان كل الملتزمين غير متفوقين والعكس صحيح
اكمل بعد ذلك الدكتور رزق حديثه موصياً الطلبة بالحضور وعدم التغيب يوم الأحد 6 أبريل وقال : هنراجع منهج الفسيولوجي كله يوم الأحد !!! ..... فاصل من الضحك للحضور
تحدث بعدها رئيس الاتحاد المعين ، شكر في كلمته الطلاب على مشاركتهم الفاعلة في أنشطة الكلية ، وأنا هنا أتسائل ما هي الأنشطة التي شارك فيها الطلاب ومن هم الطلاب الذين شاركوا أصلاً !!! سؤال موجه إلي رئيس الاتحاد المعين
تم بعدها عرض بعض – خلي بالك من كلمة بعض - أعمال الاتحاد خلال العام وهي أعمال اقل من أن تقوم بها أسرة واحدة نشيطة ، فما بالك باتحاد الطلاب الذي من المفترض أن له من الدعم المالي – يا ترى ميزانية الاتحاد وصلت كام دلوقت - والمعنوي والأمني الكثير !!!
كان من ضمن الأنشطة - والتي ممكن أن نطلق عليها أنشطة - المعرض الفني للكلية و أنا لا ادري ما هو الجهد والتعب في ذلك فكل ما صنعه الاتحاد هو أن أخلى مكان للمعرض وكل الجهد والتعب من حضور وتعليق وغيره على المشاركين فيه ،،، ونشاط آخر وهو دورة كرة قدم ... أما بقية الأنشطة فلم اسمع عنها إلا أثناء عرضها منها رحلة !!! ومسابقة !!! رغم أنى لا أتغيب عن الكلية إلا نادرا
طلاب الاتحاد وهم يرتدون الاوشحة
تم بعدها تكريم أعضاء الاتحاد بالـ " أوشحة " على حد وصفهم ، وحقيقة ً كانت هذه هي المرة الأولى التي أرى أعضاء الاتحاد المعين رأي العين ، فمنهم من لا يحضر أصلاً ، ومنهم من عرفت يومها انه من أعضاء الاتحاد ، ومنهم من سررت برويته لعلمي أنى لن أراه مره أخرى
وتم بعدها تكريم المشاركين في الأنشطة وهؤلاء فقط هم المستحقون للتكريم ، سواء في النشاط الثقافي – وللعلم معظمهم من طلاب دفعتنا - والذين لا يستحقون التكريم وفقط بل يستحقون أن يكونوا أعضاء ورؤساء لجان في اتحاد حر ونزيه ، وكـُـرم بعدها طلاب النشاط الرياضي والذين اعرف معظمهم وهم – حقيقة – على مستوى رياضي رفيع و أخلاق رياضية نبيلة
الفريق الفائز بدورة كرة القدم
احد الزملاء اثناء التكريم
فتح بعدها الباب للمواهب
وللأسف بدأت الفقرة بمواهب الغناء
غنى الطالب احمد جمال من كلية صيدلة أغنية من كلمات أحدهم في كلية هندسة وألحان آخر من كلية علوم ، يعني "مكس" محترم .. فين بقى مواهبنا !!! لست ادري ولماذا لست تدري .. لست ادري !!!
غنى الطالب 4 أغاني ، تذكرت خلالها الكبير موسى مصطفى وصوته الملائكي الرائع بالمقارنة بالصوت الذي غنى به الطالب الزميل
كانت أغاني الطالب كلها رومانتيكية فذكرني بموسى وهو يصدح " لو تسمعي " ويقول :
لو تسمعي صوتي وآنا .. صدري انحنى على العود ... وحروف اسمك دندنة .. هزت وتر هالعود
الله يمسيك بالخير يا موسى وان شاء الله أجيبك في فرحي ههههه دا لو اتجوزنا
كانت مفاجأة الحفل الدكتور محمد الرشيدي – معيد في قسم الباثولوجي – وللعلم فهو من افضل المعيدين في القسم ولكن ماذا قدم لنا الدكتور !!!
الدكتور محمد - معيد بقسم الباثولوجي
كانت مشاركة الدكتور مشاركة غنائية ، و قبل أن يلقي وصلته الغنائية قال انه كان من الطلاب المشاركين في أنشطة الاتحاد أيام ما كان طالب ويسعده النهارده أن يغني لنا أغنية " خليك معايا " لعمرو دياب والحقيقة فهو – الدكتور - صاحب صوت جميل جدا وطبقات صوتية مميزة ، ولكن " ما هكذا تكون القدوة يا دكتور" !!! زميل لي كان جالس جنبي قال لي هامساً : نزل من نظري !!!!
فـُتحت بعدها ماسورة – مش عاوز أقول بلاعة - الغناء ، كل من هب ودب طلع يغني ، وأنا كل ده منتظر المشاركات والمواهب الأخرى وبالذات المشاركات الشعرية وبالأخص مشاركة الجميل محمود ابو العزم الشعرية ، كل شوية أسال محمود : أمتي يا حودة ؟ يرد على مشوحاً بيديه : لست ادري ... بس هانت
محمود ملقياً
أخيرا ارتقى إلى المنصة محمود والساعة قاربت على 2.30 ملقياً قصيدة " بتوع آداب " ، وهي قصيدة جامدة جداً لاقت استحسان كبير جداً من الحضور تقول
بتــــــــــوع آداب قالولي........صــــــــــعبان علينا جدا
سهران اللـــــــــيل تذاكر....... وتنـــام والـــــديك بــيدّن
صعبان علينا جدا
بتــــــــــوع آداب قالولي...... دايـــــما عــمّال تـــــذاكر
و احنا بنــــــــــسمع اليسا ......ونانسي وفـــــــضل شاكر
صعبان علينا جدا
ؤو الواحد منــــــــكوا دايماً...... تلاقيه مشــــغول وسارح
لكن مـــــــــعذور لإنـــــه .......متــربي في المـــــشارح
صعبان علينا جدا
لكن احــــنا... حاجه تانيه.......علــــــــــطول متروشنين
دايبين في الحب وإنـــــتم....... دايبـــــين في الفورمالين
صعبان علينا جدا
و تشرحوا الضـــــــفادع ........وتمـــــــــوتوا الفـــيران
و أما أرانبــــكوا خلصت....... خدتوا بتــــــوع الجيران
صعبان علينا جدا
و سبــــــــع سنين بحالهم....... نازلين مــــــذاكرة طحن
لـــــما بقيتم بتـــــــــمشوا .......ودماغكوا فاصـله شحن
صعبان علينا جدا
ومافيش أجـــــــازه عدلة....... طول الســــــــــبع سنين
و ان خدتــوا أجازة تبقوا....... شايلين يا مأجـــــــــــلين
صعبان علينا جدا
وبتـــــــــوع الطب دايماً....... بيــتوهوا في الحــــارات
علشان دايــــــماً يا عيني.... ...ماشيــــين... بالنضارات
صعبان علينا جدا
حتى محاضراتكوا دايماً... .....بتـــــــــــمشي في السليم
تلقى الرجـــــــاله قاعدة......... بعيييييييييد عن الحــريم
صعبان علينا جدا
دي الدنيا يا ابـــني خنقه ........ومش هتبـــــــــقى عيشة
من غير نفـــسين سجاير... ... وشدتـــين في شيـــــــشة
صعبان علينا جدا
قلتلهم حيـــــلكوا حيلكوا.........فيه ايه يا بتوع آداب ؟؟
احنا مش طــــول حياتنا .. .....قاعدين جنب الكـــــتاب
يمكن يكون مـــــــزاجنا.........شئ صعب يــبقى رايق
لكن عايشين حيـــــــاتنا........ زي بقــــــــــية الخلايق
و ان شغلتنا المــــذاكره ........دي حــــاجة مش غريبة
ماهو كل شئ بيـــــنجح.........في الدنيا له ضـــــــريبة
قدر الدكـــــــــتور يدوّر....... على كـــــــــل شئ يفيده
علشان في يـــوم هتبقى ........أرواح النــــاس في إيـده
يمكن مشـــوار كبير
فيه التعب
severe
لكن كـــــــــــــــفايه لينا........ في قلوب الناس رصيد
و كفايه دعوه حــــــلوه ........هيقولها في يوم مريض
ده هيبقى ...كفاية جدا
عازف الاورج وبجانبه احد الزميلات والتى كنت مخنوق منها طوال الحفل
بعد أن أنهى محمود فقرته الشعرية انصرفت " غير آسف " ، وعلمت انه تم بعدها عزف وصلة على الأورج وغيره
لو تلاحظ في الموضوع تلاقي الكثير من علامات الاستفهام وكلمة " لست ادري " لأنه بجد حاجات ... عجايب !!!
كلمة أخيرة وهي عن موقفي من إضراب يوم غد الأحد ... أقول
قدمت أوراق ترشيحي لانتخابات اتحاد الطلاب هذا العام وكل عام ... وشطبت
صديقي قدم أوراقه في انتخابات المحليات ... ورفض استلام أوراقه
أحد الأصدقاء من أوائل دفعته ... ورفض تعينه
خالي وابن عمي وزوج أختي وغيرهم الكثير جدا من أقاربي مغتربين خارج الوطن من اجل لقمة عيش كريمة ... لا يجدونها في بلدهم
وغيره الكثيييييييييييييييييييييييير والكثيييييييييييييييير جدا
لذلك أنا ساحتج ولكن بايجابية، ساحضر يوم الأحد 6/ إبريل متشحاً بالسواد ... حتى يقضي الله أمرا كان مفعولاً
***************
خبر عاجل لسه وصلني الآن بعد انتهائي من كتابه هذه التدوينة وهو
اعتقال زوج خالتي فجر اليوم الباشمهندس محمد حسب الله
اللهم فك قيده واعده الى اهله سالماً غانماً معافى
******************
شكر خاص جداً للزميلين العزيزين رامي شهاب ورامي سعده
40 Comments:
بسم الله
السلام عليكم ..تحية الاسلام اولا
حبيبى الدكتور احمد..أحييك على البوست الجميل دة
ونبدا فى التعليق
*****************
موضوع ..التبرع بالدم ...ربنا ان شاء الله
هيجزيكم كل خير ...وكل الناس اللى شاركت فى الحملة
****************
بالنسبة لندوة الدكتور نبيل فاروق
انتا محضرتش ..معلش
بس الكلمة اللى انتا قلتها لقائد الحرس دى
جامــدة ...جو تو هل ...الى الجحيم
لعلة يفهم بقى ...
كفايه عليه الكلمة دى
***********************
بالنسبة للحفلة
اولا ...موضوع الدعوات ..
ودخولك من غير دعوة
انتا زى القمر ..فاكيد اللى على الباب ...اتصدموا من جمالك ...وطبعا انا عارف ان انتا لك هيبة
وكل سنة ...وحفلات الاتحاد المعين ...فى تدهور ...ايه عاملين لى دعوات
خايفين من ايه
ولا مش خايفين
يلا ...هنغلط ليه
ام هند
خلينا فى اللى بعده
""""
وبالنسبة للحضور بتاع يوم الحد ..واللى الكل خايف منة
انا براييى ان انتوا تتفقوا ان كلكوا تلبسوا اسود فى اليوم ده
يلا ..خلى عندك تفاؤل
وكلام الدكتور على الطالب المتدين والمتبرجة
والفرق
عجبتنى قوى كلمتك...مختلف معاه جملة وتفصيلا
جميلة ...وياريت تقول له .
ان المتفوقين ...هما هما ...المتدينين
*********8
وبالنسبة للدكتور رزق
اللى هيراجع منهح الفسيولوجى ...كله كله ؟ يوم الحد
ليه يا دكتور ...ما يرجعش معاه ماتيريال ولا حاجة كمان
ماهو هيبقة فية وقت طوييييييل!!!!!!
وبالنسبة للاوشحة اللى ظاهرة فى الصصورة ..بتوع لااتحاد
انا شايف انها مش اوشحة خالص ..ان شايف انها ...أ...ولا بلاش .نكمل
لحد يزعل
خلينا فى اللى بعده
بالنسبة للمواهب
انتا بتقارن موسى مصطفى
هنا فى الموقف ده
ياراجل
هتزعلنى
عموما
ان شاء الله نجيبة فرحنا ...ونهيص ...
قبل 8/8 هاه فاهمنى طبعا
وبالنسبة لبتوع اداب
جميلة جدا
بالله عليك ..توصل تحياتى للدكتور محمود
************
وبالنسبة للحاجة اللى فى كل الصور
ان كنت انتا مخنوق منها
وانت تعرفها
فانا مش عارف اوصف شعورى ...مش لاقى كلمة
ايه مكوشة على كل الصور
مين .دى
**************************8
واخيرا
كان الله فى عون ...بيدوا
ورد الله له والدة سالما غانما معافا يارب العالمين
معلش انا طولت عليك
بس انتا عارف
يلا
نتقابل
قى الويك اند الجاى
تحياتى .....لحبيبى ..ابن لازهر
ماشاء الله عليك يا عم أحمد. صحفي حقيقي. "ليك هدف واضح وحيوي، ومخلص في خدمته وموهوب في محاولاتك لتحقيقه".
أنا مبسوط إني عرفتك وياريت تقبلني صديق للمدونه وليك طبعا.
أنا سالم صلاح سالم، ياريت تكون لسه فاكرني.
سلام
اية الحلاوة دى يا بيسو
بجد مواضيع عشرة على عشرة وكل كلامك وانت بتعرض المواقف بيفكرنى يقعداتنا وسهراتنا الجميله عند نانا وامثالة ايام جميلة لا اعادها اللة وعن كل المواقف فانا الى حد ما كنت مواقعها وملامسها الا موضوع بكرة ده انا شايف ان لو ينفع انزل تحت الارض هنزل مع انى عارف ان دى حكومة ظالمة مش بيهما اساليب المتحضرين اللى زى حالاتى اظن عرفت انا مين
فك الله أسره
وتقبل منكم أعمالكم
ونصركم وأعانكم
---
طبعا لازم تكون المواهب غناء
أمال عايزها ايه ؟
إنما المواهب على قدر عمق الفهم !
دى تدوينه قويه اوى
كأنها صفحه من جريده
عشره على عشره يا باشا
تحياتى
بص يا أحمد أنا هنزل معاك واحدة واحدة من الأول خالص في برقيات صغيرة وسريعة على رأي الدكتور عصام العريان
..................................
أولا .. باذكرك بأول نقد لي في مدونتي اللي انت ارتكبته بزيادة شويتين في هذه التدوينة.. وهسيبك تعرفه لوحدك
ثانيا .. بالنسبة لحملة التبرع بالدم .. أهم حاجة ربنا يتقبل واحنا عملنا اللي علينا
ثالثا .. أنا زعلان منك جدا عشان انت ما قولتليش على ندوة د نبيل فاروق واهو ربنا جازاك على طول وما عرفتش تخش ..
رابعا .. بالنسبة بقى للمهزلة اللي اسمها حفلة الكلية فالليلة كانت باينة من أولها ، ومن قبل ما تخش المدرج هتلاقي حامد باشا بطلته البهية بيستقبلك ودي لوحدها كفاية انها تقولك امشي من أولها المكان مش مكانك ، ده بخلاف اللي حصل جوه ونظام الدعوات وكلام د/رزق اللي مش ناوي يخف عننا بقى ، والمزيكا اللي كانت هي الأصل مش التكريم ، ومحمود أبو العزم اللي ما كانشي ده مكانه أصلا وياريت ما كان قال حاجة في حفلة زي دي بالإضافة إلى أعضاء الاتحاد المتشحين بوشاح الذل اللي متهيألي مهدى لهم من حامد باشا ، والله أقل ما يقال إنها مهزلة
أخيرا .. بالنسبة بقى لموضوع الإضراب فأعتقد إنك شفت رأيي على مدونتي وما حصل اليوم أكبر دليل على ذلك
...............................
أعتذر عن الإطالة ، ولك خالص تحياتي
بالمناسبة تحياتي للدكتور سالم صلاح سالم اللي أنا بأقدره جدا وبأحب القصائد اللي بيكتبها جدا ومازلت محتفظ بمقطع فيديو لقصيدته عن الرسول صلى الله عليه وسلم في االملتقى الشعري الأخير
وكذلك سلامي لعبدالرحمن ابن خالتك وربنا يفك أسر والده وجميع المعتقلين ... اللهم آمين
أزال المؤلف هذا التعليق.
السلام عليكم
اولا طريقة تحميل الفيديو
اذا كان فى الموضوع
يعنى ستضع الفيديو فى البوست
فهذا امر سهل جدا
حضرتك هتشوف الفيديو اللى عاوزه من على
yputube
وبعدين هتلاقى على يمين الفيديو فى مربع فيه معلومات عن الفيديو
هتلاقى كلمه
Embed
وفيها كود
خده كوبى
وضعه فى المدونه
بيست
بس خلاص
لا تنسانا من صالح دعاائك
-------
لو الفيدو عند حضرتك على الجهاز
ممكن ترفعه على يوتيوب الاول
او ترفعه على طول على المدونه
فى الصفحه اللى حضرتك بتكتب فيها البوست هتلاقى فيها علامه شريط كده
هتضغط عليها وتختار الفيديو من ععلى الجهاز
نسالكم الدعاء
---------
وضحت ولا لسه؟
----------
بالنسبه للبوست
مشكلة اخبار الجامعه بالانشطه دى مشكله كبيره جدا
قعدنا حوالى 3 اسابيع علشان ناخد موافقه على ندوه
وعطولنا الموافقه قبل الندوه بيوم
والدكارته اللى كانوا جايين اعتذروا
وكانت مشكله بس ربنا ييسر وجبنا ناس تانين وعدت على خير
----
ثانى حاجه لفتت نظرى شكل المدرج ده
والقاعه الغريبه اللى سمحوا لنا ان نعمل فيها الندوه
الحفله دى شكلها متكلف جامد
------
ثالث شىء لفت انتباهى
المعيد
اللى مش قدوه
ددا دور حضرتك ودورنا كلنا
اننا نحل محل المعيد ده
ونكون قدوه صالحه لغيرنا
الشباب فى امس الحاجه لقدوه صالحه
----
رابعا
ربنا يفك اسر زوج خاله حضرتك يارب
ويجعل هذا الاسر فى ميزان حسناته
-
وكالعاده تغطيه رائعه
موضوع طيب لى تعليق اخر قريبا
بقى ده كلام
تغطي حفله للعصافير والامنجيه
خلى الاخوان يبطلوا يحشروا مناخيرهم مع بتوع التحاد
علشان ما يتفهموش غلط
ويفقدوا المصداقيه
ايه ده ..خرجوا عربية نقل الدم ..ومنعوك من حضور ندوة نبيل فاروق ...وكل المواهب اغانى وهلس ..والدكتور بتاعكو اسموا ايه بيشتم فى الملتزمين ..وبيعمم ان كل من التزم فهو خايب ..والمروشنين هم اللى 100 %
مش ملاحط انك لو حللت كل المواقف دى ..هتلاقبها كلها مضمونها واحد وهو (ان الشباب ده لازم يغيب ..لازم يبعد عن كل ما هو نافع لنفسة وللاخرين ..يبعد عن كل من يساعده على ان يكون كيان صالح ..كل من يفوقة من الغيبوبة اللى هو فيها على الحقيقة المرة ) ...انا مش بقول كدة بسبب التدوينة دى بس ..لء ..انا بشوف وبسمع كل يوم حاجات خليتنى اكون الرأى ده
تحياتى لك
http://wa7di-ofakker-137.blogspot.com/
السلام عليكم ورحمة الله .سيدي البحر واضح ان موج سيادتك كان ثائر جدا في هذين اليومين ..بداية انا علمت بامر الحفلة قبلها بيومين ولكني اخذت قرارا بان اقاطعهاأأذهب الي حفلة لتكريم من اغتصبوا حقي؟مهما كان ما فيها من فقرات؟تمنيت من الله ان يقاطعها كل الطلبة فالموضوع ليس شخصي لي فهم اغتصبوا حق الجميع..عامة والحمد لله الحضور كان شحيحا كما هو في الصور.ولكني اتخيلهم سيدي وانت داخل الي الحفل..نظروا لبعضهم بنظرات حائرة خائفة مترقبة ولسان حالهم يقول ايه "اللي جابه دلوقت"..اما بالنسبة للاغاني فماذا كنت تتوقع من هؤلاء؟احمد الله انهم لم يقيموا فقرة بعنوان"بلا بينا نرقص".والله العظيم ما استبعدها عليهم.بس انا لي نقد بسيط علي بعض الكلام.اولا تعليقك علي صوت الطالب الذي غني "ليس يدري"..فيه الكثير من الاحراج والتجريح.كنت افضل ان تجمل وتقول ان معظم الاصوات لم تكن جيدة..حتي تتجنب احراجه بهذا الشكل..ثانيا تعليقك علي الزميلة التي كنت "مخنوق"منها أسفة.. ارفض بشدة.. كلمة مخنوق هذه فيها من التجريح مالا تتخيله..والاسوأ انك لم تذكر سبب خنقتك..؟طيب وهي مالها ما تتخنق واللي مش عاجبه يمشي.."ده هيكون ردها لو قرت كلامك"..الافضل كنت ذكرت انك متضايق ..مش من وجودها ولكن من سبب وجودها وتبين هذا السبب..انت كده اتبعت اسرع طريق لانشاء عداوة بينك وبين احد..ونحن مهما كنا ناقمين نتعامل بالاخلاق الاسلامية ونرفض التجريح..وفقك الله وادرج اسمائنا واسمائكم العام القادم في كشوف الاتحاد..شكرا لانكم عبرتم عن كل ما بداخلنا .وناسف جدا علي الاطالة..والسلام عليكم.
السلام عليكم ورحمة الله
بس حبيت أسجل اعتذراي لكل الناس اني قلت
في الحفله دي
بس كان فيه ناس جايه تشجعني زيك كده يا احمد وكنت محروج انهم ييجوا ومااطلعشي اقول
وحاولت اعتذر بس هما قلوا اني لازم ابقى أد كلمتي
على العموم انا بعتذر وزعلان من نفسي جدا اني قلت
بس كنت مبسوط بوجود بوجود شخصيات جميله زيك كده يا احمد
الحمد لله الى انت جمعت 70 كيس اما ليه عميد الكليه خلاكوا خارج الجامعه علشان الوائح اصل احنا بلد الروتيين
نيجى بقى لموضوع التفوق بين الملتزم والغيير
الراجل بيحكى موقف وانا فى الكليه كنت بشوف شباب التيار الاسلامى طول النهار على الكتب ومش بيحضر محضرات وبينجح بالعفيه كنت بزعل قوى كنت بقول لازم نبقى متفوقين الاول علشان نفدر نواكب الحياه والسياسه تاخد جزء بسيط من حياتنا واحنا فى الجامعه لان العلم الاول
دى مش معناه اللى انا ضدكوا لا والله بس الرسول قال اول حاجه العلم وبعدين السياسه
وعلى رأيك دايما التفوق مرتبط بالتدين
وحلوه حفلة الاتحاد المدرج اللى انتوا كنتوا فيه فكرنى بالمدرج بتاعى فى الكليه
وجميل قوى ان اساتذة الجامعه بتحرك الطلاب وبتخليهم ايجابين بدل السلبيه اللى احنا فيها دى
وجميله قوى الخاطره فعلا المفروض كل الكليات تبقى للعلم وبس مش لحاجه تانى
مش كليه الطب بس
تحياتى ولاء
جزاك الله خيرا علي مجهودك الشاق ده وجعلك بصحة وسلامة يااستاذ احمد صاحبة مدونة بوابة الحرية http://alhoriyah.blogspot.com
تغطية جميلة
احنا كمان كنا مجموعه من المداونين رحنا مركز التبرع بلدم بلدقي واتبرعنا بلدم يوم 5/4
كان يوم جميل فعلا جزاكم الله كل خير
ورجع قريبك بلسلامه وتطمنو عليه ان شاء الله
تحياتي
رودي
بسم الله الرحمن الرحيم
قرأت التدوينة ...وكذلك التعليقات عليها، وإستغربت جدا من بعض الردود
ياعم عمر ..أنا شايف إن الحفلة لم تكن بهذا السوء، وكمان ايه موضوع وشاح المذلة والكلام الكبير ده؟؟؟؟؟؟؟
ياريت لما ننقد نكون موضوعيين وغير متحاملين..يعنى زى مابنقول السلبيات نقول الايجابيات... وحسبما أعتقد أى شئ فى الدنيا ليه ايجابيات ياريت نذكرها برده
***********************
بالمناسبة أنا كنت من المكرمين فى الحفلة دى..وللغرابه أنا شخصيا دخلت بتذكرة دخول(يعنى لو ماكانشى معايا تذكرة ناكنتش هدخل)..فى رأيى إن موضوع التذاكر ده موضوع سخيف ، وظهر مدى سخافته أثناء الحفلة لما لقيت المدرج فاااااضى لدرجة حسيت إنى فى محاضرة من النوع الرخم اللى محدش بيحضرها..ماعلينا
***********************
لما دخلت القاعة فوجئت بورق بيتوزع بيقول إن الدكتورة سماح مقررة اللجنة الثقافية هى مخرجة الحفل والقائمة على إعداده...لحد هنا ونقف ، يعنى ايه مخرج الحفل؟؟؟؟حسب معلوماتى انها يعنى القائمة على تنظيم الحفل وخروجه بصورة مشرفة ، سواء اتفقنا ام إختلفنا فأنا شايف إن الدكتورة سماح بذلت مجهود لابأس به لخروج الحفل فى صورة مشرفة ولكن...هذا لايعطيها الحق فى الظهور كل نص دقيقة على المسرح، اللى اعرفه إن مخرج المسرحية حتى مش بيظهر أثناء العرض المسرحى وإلا هيبقى اضحوكة، ولو كان ظهورها لابد منه يعنى فمن الممكن ظهورها أثناء بث فعاليات الحفلة الختامية فقطططط
أما مقدمى الحفل فمن المفترض إن ظهورهم بيكون على جانب من المسرح مش فى النص زى ماحصل ..الصراحه ياجماعة المسرح كان زحمة جدا لدرجه انى لما طلعت عشان اتسلم شهادة التقدير كنت بتكعبل فى الارجل ، وأقول لواحد عدينى لو سمحت وأقول للتانيه أذا سمحتى ممكن اعدى .. الصراحه ياجماعه الموضوع كان عايز ظابط مرور ينظم المسائل
*****************************
بالنسبه للمواهب الغنائية...اختلف مع الدكتور أحمد فى قوله إن كل المواهب متواضعه ، أنا شخصيا اعجبت بصوت أحمد جمال إللى طلع أول واحد..صوته الصراحه عاجبنى ولكنه محتاج لتدريب اكتر ، لأن صوته مش بيعرف يجيب اللزمات الغنائيه ذات المقام العالى زى المقام النهاوندى ، ولكن هذا لاينفى جوده صوته كخامة ممتازة
لكن الغريب فعلا ان كل المواهب من خارج الكلية...ياترى ليه؟؟ على فكره كليتنا مليانه مواهب أنا أعرفها بالإسم ولكن طبعا مفيش مجال لظهورها فى الكليه عندنا...برده مش عارف ليه؟؟
******************************
بخصوص واقعة الدكتور رزق ، فلا تعليق عليها ...وعلى راى المثل : أنت عارف وأنا عارف يبقى هنعرف ايه تانى ، ههههههه
***************************
وختاما أعتذر للإطالة
مع فريد تحياتى وخالصها
رامى أحمد شهاب الدين
السلام عليكم ورحمة الله
تعليقي ممكن يبقى طويل شويه يا أحمد
أولا بالنسبه للحمله .. ده المتوقع من كليتنا ومن الروتين اللي غرقانه فيه
ثانيا بالنسبه للندوه
مقلتش رأيك في الاعلان بتاع الندوه ليه يا أحمد .. كنت عاوز رأيك عشان انا اللي مصممه
انا في اليوم ده وقبله بتلت ايام كنت طالب طب فرع تجاره .. كله عشان الندوه
المهم يا باشا لو كان رامي قال لي انك محجوز بره كنت طلعت ودخلتك بس سيبك
النظره بتاعة جو تو هل دي جامده جدا
وبالنسبه للندوه فعلا كان موضوعها الفيروسات الكبديه وده كان دور د محمد شرف الدين لكن كمان كان فيها فقره دينيه بعنوان الحب الحقيقي وهي عن حب الله وكمان كلمة د نبيل كانت عامه وعن ثقافة الاختلاف والمقاومه
فاتتك الندوه بجد يا أحمد
ثالثا بالنسبه للحفل الرائع المشرف اللي مش عارف اقول عليه ايه غير منه لله اللي خلانا نتكرم في حفل زي دي
أتفق معاك في حكاية بطاقات الدعوه دي
هبل وعبط .. أنا داخل اتكرم يبقى ايه لازمة اني يبقى معايا بطاقة دعوه
علي فكره أنا دخلت بدون بطاقة دعوه
والمذاهيل اللي واقفين علي الباب بيبصوا لي بنظرات ذهول
بس بصراحه عيشت عليهم يومها داخل طالع .. ييجي عشر مرات وكل شويه اخنق عليهم
المهم كلمة د محسن كانت كويسه
انما أنا اتفق معاك جملة وتفصيلا في موقفك من كلمة د رزق
ويمكن اختلف معاه اكتر منك بشويتين تلاته
موقف ملهوش اي لازمه انه يذكره بجد بجد غباء ان حاجه زي دي تتذكر أصلا
وعرض أعمال الاتحاد ده بقه اللي كان نكته
مصورين اعضاء الاتحاد ومش كلهم امناء ومساعدي امناء اللجان وعاملين الصور بالموفي ماكر .. أي كلام أي كلام يعني
بالنسبه للغاء بقه
أنا بقالي فتره مش بسمع وحتي يوميها مسمعتش إلا د محمد
علي فكره انا نزلت كلمت الحاجه اللي طالعه في معظم الصور وعلي فكره هعي امينة اللجنه الفنيه مش الثقافيه والكلام ده لرامي لأن امين اللجنه الثقافيه زميلنا اللي بجد من لجنته لجنه محترمه .. محمد مغاوري
المهم نزلت اكلمها عن رغبة د محمد الرسيدي انه يغني
وهو معروف انه كان مغني دفعته وحتى غني لهم في حفل الخريجين وأنا كنت عاوز اسمعه
متهيألي كانت هتخبطني باللي ييجي في ايديها .. لخلفيات كتير
هيا مش فاهمه اني بكلمها عن مدرس مساعد ولأني رفضت اشترك في الحفله لأني مشغل لحد دلوقتي في حملة الفيروسات الكبديه
المهم
بعد ما اللي كان بيغني خلص قامت مقدمه د محمد الرشيدي واللي كان مش هينزل لما شاف موقفها في الكلام معايا لأنها كان لابد ه علي المسرح ونزلت كلمتها عليه
الا انه نزل وغني وصوته فعلا حلو وأختلف معاك في حكاية قدوه دي
الراجل من أحسن الناس في القسم وهو صوته حلو وبيحب يغني
يبقى عادي
علي الأقل يا راجل ده هوه الوحيد اللي من كلية الطب اللي غنى .. دي كفايه لوحدها
نييجي بقه للي أنا أعرفه ومعرفش غيره
الشعر
ساعة ما الواد التخين اللي مش فاكر من كلية ايه ده كان بيغني
قلت لمحمود سليمان
لو الموضوع هيمشي زي ما البرنامج المتخلف ده محطوط متقولش اي حاجه
وإلا تقول دلوقتي وتمشي
ونزل كلمها وباينها قالت البرنامج ومش عارف ايه
وفجأه لقيته قال انا هعتذر
ونزل لقيت هرج ومرج مع محمود وكل أعضاء التحاد اللي في دفعتنا بيكلموه
طبعا مخرج الحفل لما لاقاه هيعتذر قال يطلع دلوقتي يقول أحسن
المهم محمود غير رأيه وهو كان المفروض هيقول قصيده رومانسيه جدا
وقام قايل أنا وبتوع آداب لتماشيها مع العدد الهائل لبتوع اداب وتجاره وتربيه رياضيه اللي كانوا في المدرج
المهم انا بعد كده مشيت انا وسليمان وراجح
وحاجه انت متعرفهاش
نادر شبل كان المفروض هيقول شعر ولكن فقرته اتلغت
كانعاوز يقول قصيدة لتميم البرغوثي
لو كانت حتى الفقره متلغتش كنت هطع وأخده من ايده وانزله .. متهيألي لو كان قالها كانوا هيحدفوه بالطماطم ويقولوا انزل وعايزين أغاني
بجد حاجه محزنه إن حفله زي دي تتعمل في كلية طب
معلش طولت عليك
بس كل حفله وانت طيب
@yahoo.comبسم الله
حبيبي قلب ابيض
أية يا عم ابيض التعليق ده
ده أطول من البوست نفسه هههه
اتصدموا من جمالك .. ماشي يا عم احمد
قبل 8/8 ... دا أنت بتحلم
تحياتك أكيد وصلت للدكتور محمود
أنا جاي اسهر عندك في الويك اند
وابن الأزهر بيسلم عليك بس مش عاوز يشوف وشك هههه
دمت بدفء
بسم الله
دكتور سالم
أنا سعيد بتعليقك و أتشرف بان تصبح صديق لي وللمدونة
وان شاء الله أول ما تنشر ديوانك الثاني سأتشرف بنشر قصيدة " مسلم أم عربي" بعد إذنك طبعا
جزيتم خيرا
دمتم
حبيبي حمودة
نايس تو ميت يو اون بلوج
أول مرة تعلق وان شاء الله ماتكونش الأخيرة
على فكرة نانا بيسلم عليك وبيسألني عالى طول " فين الواد اللي أنت كنت بتاخده ماتشات فيفا رايح جاي وهو زي التلب مابيعرفش " ههههه
أنا بانتظارك في أي يوم وفي أي وقت عشان أفكرك بأيام زمان
Good luck
خبيب
جزيتم خيرا على التعليق والدعوة الصالحة
وهو كان غناء بعقل ... ده كان تهييس
ربنا يهدي
تحياتي
شريف طلال
كأنها صفحة في جريدة ... دي ميزة ولا عيب هههه
اعتذر عن الإطالة في التدوينة
أشكرك على الزيارة والتعليق
دمتم
عمووور
خلاص يا عمور , أنت هتذلنا ولا أية ، أنا كاتب في أول التدوينة أنها طويلة غصبن عني ههههه
الله يسامحك يا عموره أنت شمتان فيا أن أنا معرفتش ، اخص ، ماشي يا عمورة جايلك يوم
صحيح أنا نسيت اكتب إن حامد بييييه كان قاعد جنبي طوال الحفلة ... وكان ناقص يعزم علي بسجاير
اللهم آمين يا عمر
جزيتم خيرا عمور
بانتظار حوارك من الزميل المختلف الذي طال انتظاره وعلى الله يطلع بايخ عشان افتـ....... بس ، أظنك فهمت !!
تحياتي
صانعة الحرية
جزاكم الله خيرا على التوضيح ، وخلاص النقطة اتفهمت يا سعادة الباشا
بالنسبة للقاعة فهي مدرج سنة رابعة أو ما تسمى بمدرج التشريح
بالنسبة للمعيد فهو من الناس المحترمين جدا وأنا بأحبه شخصيا فهو ذو أخلاق كريمة ومستوى علمي متميز ولكن كلمتي له " ما هكذا تكون القدوة يا دكتور "
استجاب الله دعائك وفك قيد جميع آسرنا
تحياتي
كول فور كوايكسستانس
بانتظار التعليق
دمتي
إنسان
يا بيه التغطية لم تكن لتأيد ما يفعلونه ولن لانتقاده والتشييع به
واعتقد أن الإنسان العاقل هيتفهم الموضوع ويتفهم قصدي
وستزداد الثقة والمصداقية
أشكرك
سمر
عندك حق في كل كلمة أنتي قولتيها
أحييك بشدة و أشكرك على التعليق
دمتي بود
الأخت الفاضلة
جميلة فقرة " يالا بينا نرقص" ، هاكلمهم يحطوها في برنامج الحفلة القادمة ههههه
سيدتي ... أنا لم اقل أن صوته هو شخصيا ليس بجميل ولكن الأصوات عموما لم تكن على قد المستوى وهذا من وجهه نظري
بالنسبة للأخت المحتفلة
فاحيلك لرد الزميل رامي والزميل محمود لتعرفي السبب والذي لم اكن بسببه لوحدي المتضايق ولكن جموع الحضور
يقول أحدهم : ولكن هذا لا يعطيها الحق في الظهور كل نص دقيقة على المسرح،
و آخر : أنا نزلت كلمت الحاجة اللي طالعه في معظم الصور
و آخر : لأنها كان لابده علي المسرح
أتمنى أن تكون الفكرة وصلت
وعموما اعتذر عن إذا كان قد أسيء فهمي واعملي – أختي الفاضلة – أننا لا نجرح أشخاص ولا هيئات ولكن مواقف و أفعال
جزيتم خيرا على التعليق الذي أسعدني
دمتم بخير
حبيبي حودة
اعتذارك وصل يا شاعرنا الجميل
أتمنى لك دوام الصحة والعافية
تحياتي
الفاضلة ولاء
عندك حق في موضوع طلاب التيار الإسلامي وهذا من سوء الفهم الخطير عند بعض الاخوة
ولكن اعلمي أختي أن التدين حجة علينا ولسنا نحن حجة عليه فان أخطانا و أهملنا فمن أنفسنا والشيطان واعلمي أن من طلاب التيار الإسلامي من يجمع بين التفوق والالتزام والعمل والدعوة وغيره وذلك بتنظيم الوقت والتوفيق بين العمل الدعوى والدراسة
أشكرك على تعليقك الجريء والجميل
نورتم المدونة
تحياتي
الفاضلة سارة
جزيتم خيرا
وعلى وعد بزيارة مدونتك
تقبلي تحياتي
العزيزة رودي
جعل الله تبرعكم بالدم في ميزان حسناتكم
دمتي
العزيز رامي
اعتقد انك متحامل على عمر شوية
عمر قال رأيه وهو شايف كده ، كما أن الموقف ليس موقف ذكر سلبيات وإيجابيات ، لان الإيجابيات - والتي كانت قليلة - تتحدث عن نفسها
عموما ده موضوع بينك وبين عمر وخلصوه مع بعض ... و أنا مالي هههه
أنت برضه دخلت بتذكرة وعاملي فيها البُرم وهاتكرم وكلام كتير كده هههههه ... تعيش و تأخد غيرها
أوافقك الرأي في موضوع التنظيم وان كانت مش محتاجة ضابط ولا حاجة ... الشر بره وبعيد
بالنسبة لإعجابك بأحمد جمال ... فده رأيك وأنت حر فيه ، رأيي آن إبراهيم الـ"ليون" صوته احسن وان كان إبراهيم طبقات صوته مش عالية قوي وممكن مايعرفش يجيب مقام السيد البدوي !!!
" أنت عارف وأنا عارف يبقى هنعرف إيه تانى " ... نعرف اللي مش عارف ... حد فاهم حاجة
أشكرك رامي
دمت يا حبيب
أزال المؤلف هذا التعليق.
الغالي حودة
تصميم الإعلان جميل وأنت اجمل ... حلوة طب فرع تجارة
بالنسبة للندوة ... أقول اية بس حصل خير ، متعوضة إن شاء الله
""" والمذاهيل اللي واقفين علي الباب بيبصوا لي بنظرات ذهول بس بصراحه عيشت عليهم يومها داخل طالع .. ييجي عشر مرات وكل شويه اخنق عليهم """
هههههههههههههههه
صدقت ... عرض أي كلام في أي كلام
بالنسبة للدكتور محمد الرشيدي فقد كتبت رأيي في التدوينة وفي تعليق آخر عن انه من الدكاترة الذين احترمهم شخصيا وكتبت رأيي انه " ما هكذا تكون القدوة"
"" المهم محمود غير رأيه وهو كان المفروض هيقول قصيده رومانسيه جدا ، وقام قايل أنا وبتوع آداب لتماشيها مع العدد الهائل لبتوع اداب وتجاره وتربيه رياضيه اللي كانوا في المدرج "" .... للآسف
صراحة ... نادر ماينفعش يقول في أجواء زي دي
جزاكم الله خيرا
دمت بخييير
أنا قريت الموضوع لأخره زى ما وعدتك
وكمان قريت التعليقات
وعلشان كده إقتنعت برأيك إن غالبا الإيجابيات بتبقى واضحة للكل
فخد عندك بقى السلبيات ياجميل
أولا عربية نقل الدم دخولها الكلية دى مسئولية الأمن وهم فى الأول وفى الآخر إن لم يكن هدفهم حماية الطالب فأكيد هيسعوا لحماية المؤسسة التعليمية
وكده برضه إنت الكسبان
وطبعا الإرهاب اللى إنتشر فى العالم يشفعلهم فى معظم ولا أقول كل اللى بيعملوه
وعلى فكرة أنا مش حزب وطنى
ثانيا بدل ما تتكلم فى حق قائد الحرس وتقل أدبك عليه فى مدونتك وهى كل غلطته إنه مقدرش يفهم وجهة نظرك
أنا كنت شايف إنك تستأذن من رئيس القسم اللى عندك اللى غالبا ولا أقول أكيد كان هيفهم وجهة نظرك
حتى لو رفض يبقى بيتك أولى بيك بعد ماتحاول مع قائد الحرس من غير البصة الغير لائق بطالب طب يبصها لواحد قد والده حتى لو كان عقبة فى طريق الحصول على حقك
وعلى فكرة أنا لست عصفورة للأمن
ثالثا الدكتور رزق غالبا كان يقصد أنه متضايق من اختلال مستوى بعض الملتزمين فى الفترة الأخيرة وأراد تحفيز الطلبة على السعى وراء التفوق بس أنا معاك إنه جابها بأسلوب غير صحيح بالمرة
أنا على فكرة مش من الأوائل ومش هتعين فى الكلية يعنى صلتى بالدكتور رزق انقطعت تماما
رابعا أنا أعاتب عليك تراجعك عن رأيك فى القدوة الغنائية وإن كان بطريقة دبلوماسية
لأن الدكتور اللى بيغنى اكيد بيقول للطلبة أرقصوا
وأنا وانت هنلم النقطة
بس عجبنى جدا التعليق اللى قال إنك كده أحرجته بطريقه غير لطيفة وكنت ممكن متصرحشى بالإسم زى برضه مابعاتب نفسى على الطريقة اللى وصلتلك بيها رأيي فى الدكتور بس مش بحب أمسح حاجة كتبتها
أنا على فكرة أما كنت فى تالته حاولت أحب الباثولوجى بس معرفتش وستدهش عندما أقول لك إنى كنت بحب الفارما
أكيد العيب منى
خامسا الأخت اللى تعبت فى تنظيم الحفلة حتى لو كان التعب دا على الفاضى فيكفيها شرف المحاولة
ومكنشى المفروض نقول إن إحنا مخنوقين منها
حتى لو كانت بتطلع كل شوية على المسرح
فإحنا ممكن نعاتبها بأسلوب أحسن من كده
أنا على فكرة مش قريبها ولا هجوزها لإن ذوقى بره المجال الطبى
سادسا لو بصيت للفكرة وراء بطاقات الدعوة هيبطل العجب
دى حيلة ذكية من الإتحاد لجذب عدد أكبر لأن دايما الإنسان بيجرى وراء الصعب والدليل إنى شفت أعداد ليست قليلة دخلت بغير بطاقات دعوة
ورامى شهاب اللى بيقول إنه من ضمن اللى إتكرمه ومع ذلك دخل ببطاقة دعوة فأنا أشهد إنهم إعتذروله لما عرفوا ورجعوها له ثلاث دعوات بدل واحده
أنا على فكرة دخلت ببطاقة دعوة رامى شهاب مدهالى قبل موضوع التلاتة
سابعا بالنسبة للغناء دا ما كانشى مودى لإنى مش بحب اسمع غير الشيخ إمام وسيد مكاوى
انا مش شيوعى والغنا أذواق
ثامنا انا اللى مصور كل ولا أقول معظم اللى فى المدونة وذاكرة الموبايل تشهد ومع ذلك محدش يعرف أنا مين
وهسيبك تصلح غلطتك
rseada16@yahoo.Com
مبدأيا ردى عليك هيبقى غريب لانه هيبقى من واحد من اللى حضرتك قلت عليهم انهم مش ظاهرين فى الكلية واللى احد الزملاء كان على وشك يشتم فينا برده
انا يا سيدى الفاضل عضو فى هذا الاتحاد بل اتعدى كونى عضو فقط بل انا امين مساعد للجنة من لجانه تفضل احد الاعضاء فى رده بالشكر فيها وفى امين هذه اللجنة وهو من الشخصيات المحترمة
ارجع للى عاوز ارد عليك فيه بالنسبة لكلامك وهرد على الجزء الخاص بيا بصورة كبيرة وهو المعرض الفنى الثقافى اللى معجبش حضرتك وان دورنا فى رايك اننا نجيب الناس تعلق حاجتها
من كلامك واضح انك تعرف الزميل محمود ابو العزم عاوزك تسأله عن صحة كلامك
واحب اوضح ان المعرض دا فى الاول خططناله لمدة 3 اسابيع من جمع اعمال فى الترم الأول وبعد كدا اخترنا نأجله بسبب امتحانات ال10 % لانه مكنش هيلاقى الاقبال اللى احنا عاوزينه وعشان كدا اخترناله المعاد الجديد بتاعه
ويكفى انى اقولك اننا كنا فى الكلية لمدة اسبوع محدش بيمشى مننا قبل الساعة 5 عشان نظبط الاعمال ونحاول نقسمها مع ملاحظة اننا كنا فى نفس الوقت بنجهز لحفلة الخريجين اللى كانت اخر يوم فى المعرض
وكنا اليوم اللى قبل المعرض سهرانين فى الكلية لحد 7 بالرغم من ان مش كلنا من طنطا عشان نظبط ونعلق الاعمال اللى وصل الكثير منها متأخر بعد الميعاد المحدد وكنا عشان خاطر اخواتنا الطلبة ملزمين نشيل حاجات من اماكنها ونرتب من جديد كل شوية لحد قبل الافتتاح بنص ساعة
ومتهيألى ان التعليقات اللى جت عن المعرض وعن تنظيمه من الناس اللى زاروه كانت اكبر رد احنا خدناه على عمل احنا عملناه عشان بنحب المكان مش منتظرين من وراه مصلحة مع ملاحظة ان المعرض مكنش بيتعامل من اكتر من سنة وانه اول معرض ثقافى يبقى فى الكلية من يوم ما انا دخلتها
وبالنسبة لانتقادك للحفلةاكيد كان فيها غلطات لانها متعملتش من كذا سنة فاتت والواحد اكيد بيتعلم واحدة واحدة
بالنسبة لمحمود واختياره لقصيدة بتوع اداب طبعا حاجة ترجعله ومحمود اخ لينا كلنا ومشترك معانا فى كل نشاط لينا فى الاتحاد بدليل مشاركته فى مؤتمر الكلية واللى قال فيها قصيدةالعميد طلب من الكلية انها تنسخ وتتوزع عليها اسم محمود على كل الموجودين
صدقنى انت بتدور على صورة قاتمة فى دماغكم بس ومبتحاولش تدور على اى صورة بيضا ورااى حاجة بنعملها الناس اللى انت معترض عليها دى بتشتغل مش مستنية تاخد فلوس او اى حاجة تانية
والسلام خنام
كمان بضيف حاجة شبل احنا كنا معاه على ما اتذكر اليوم اللى قبل الحفلة او يومها الصبح عشان يحدد قصيدة معينة يقولها وفاكر اننا فى الاخر اتفقنا معاه على اتنين وهو كان فى واحدة عارف انه مش هيقولها
إرسال تعليق
<< Home