مدونــة البحـــر

الأربعاء، ١٩ مارس ٢٠٠٨

ارسم ابتسامة



بعد العديد من التدوينات الجادة ، آثرت أن اخذ إجازة قصيرة بتدوينة لطيفة


تعتبر سنة خامسة طب أول سنة – تقريبا - يتعلم فيها الطالب بجد ، حيث يبدأ التعليم الإكلينيكي في المستشفيات بعد أربع سنوات تعج بالكلام النظري المبهم
وقعت الكثير من المواقف الطريفة خلال هذا العام في المستشفيات بسبب أنها أول سنة ذهاب للمستشفى وعلى اعتبار أنها " حاجة مش واخدين عليها "
هذه المواقف يشترك فيها براءة الطالب و دهاء وخبث المريض باعتبار انه حالة مزمنة وعارف " البير وغطاه "
من هذه المواقف الطريفة :

*****
زميل لينا في أول السنة خالص ، الدكتورة طلعته عشان يقيس ضغط المريض ، طلع الطالب ووقف عاجزا ، فطلبت من الدكتورة قياس الضغط ، فرد عليها : ماعرفش ، قاله المريض : ما تعرفش أية يا ابني ... دا حلاق الصحة بيعرف يقيس الضغط !!!

*****
في أحد المرات أطالت الدكتورة في الشرح و أسهبت حتى إن الطلاب زهقوا منها ، الدكتورة أحست بهذا الوضع فقالت : اللي مش عاجبه الموضوع وعاوز يمشي يرفع أيده ، لم يتجرأ أحد على رفع يده إلا واحد ... المريض ، رفع أيده قائلا : ارحمونا بقى أن زهقت

*****
دكتور النفسية محمد عبد الحكيم في أحد المرات بيشرح عن أمراض نفسية تصيب المريض فتسبب له أعراض هستيرية جنونية ويضيف : مثلا ممكن واحد يمشي في الشارع عريان ، أو واحدة تطلع في البلكونة بهدومها الداخلية أو حتى ممكن تنزل الشارع وهي بهذا الوضع ، رأى الدكتور في أعيننا التعجب والاستغراب فقال : يا جماعة ما تستغربوش والله بتحصل وبتحصل كتير كمان ... رد عليه أحد الزملاء بعفوية وخبث : بيحصل فين بس يا دكتور !!!؟

*****
موقف آخر مع مريض ، كنا بنأخد منه شيت ، فسأله الدكتور : هل هناك تغير في لون الفضلات ؟ وهو سؤال مهم في التشخيص ، فرد المريض : نعم ، قاله الدكتور : بقى لونه أية ، أتلفت المريض حوليه وفوق وتحت وبص للطلبة ، بعد شويه لقيناه بيشاور على أحد الزملاء صائحا : بقى لونه زي لون التي شيرت اللي لابسه الكابتن دهه ،،، زميلنا حلف انه مش هيلبس التي شيرت ده تاني !!!

*****
موقف حصل معي ، كنا بناخذ هستوري من المريض – يعني تاريخ مرضه - فبنسأله عن special habits يعني العادات الخاصة زي التدخين ، الحشيش ، البانجو وغيره فقال : لا ما بشربش أي حاجة خالص وكتبنا كده في الشيت ، بعد نهاية الراوند لقيناه واقف في ركن وبيدخن !!!

هذه بعض المواقف ، مع اعتذاري عن بعضها الذي قد يكون تجاوز الحدود وان شاء الله تبقى عندنا تدوينة كل فترة كده ، تكون تجميعه للمواقف الطريفة التي بتحصل في أماكن معينة مثلا في المسجد أو في المواصلات أو حتى في المظاهرات

شاركنا بالمواقف الطريفة اللي حصلت معاك في المستشفيات .... في الانتظاااااااار
posted by أحمد سعيد بسيوني at ١٢:١٦ م

17 Comments:

حلوة جدا أسعدك الله

١٩ مارس ٢٠٠٨ في ٣:٤١ م  

بسم الله
أضحك الله سنك يا طويييييل

نسأل الله أن يتم لك السنتين الباقيتين على خير يا أبا حميد..
بقولك : يا ريت تاخد كاستر وتعمل له تحالبل عندكم وتشوفوا حل في حالته الكئيبة دي.. أصل انا خلاص زهقت منه

يلاا
اعي لي لحسن الواحد مطحوووون جدا اليومين دول.. ويا عم ابقى طل ع المدونه
يلاا سلام

١٩ مارس ٢٠٠٨ في ٤:٠٦ م  

السلام عليكم
جزاكم الله خيرا
واضحكك الله كا اضحكتنى
وفى انتظار المزيد وياريت تبدا بطرائف المظاهرات
-------
انا قلما انى ادخل مستشفى فمعنديش طرائف حدثت هناك لكن ان شاء الله لما تكتب عن طرائف المسجد والمظاهرات هنبقوا نقولوا بعض الطرائف

٢٠ مارس ٢٠٠٨ في ٧:٥٦ ص  

فعلا يا ابوحميد المواقف اللي بتحصل في المستشفى وفي الكلينكال ظريفة
بالنسبة لي متهيألي في مواقف ظريفة كتيرة لكن بصراحة لا أذكرها ، لكن في موقف لسه حاصل لنا من يومين في الأطفال ، مع الاعتذار للزميلة اللي حصل لها الموقف
كنا في عنبر chest والدكتور كان بيخلينا نعمل percussion على طفلة ، فكان جه الدور على زميلة وكانت الزميلة لابسة غوايش في ايديها ، فكان المفروض ان احنا بنسمع الصوت هل هو resonance ولا dull ، فكان صوت الغوايش مغطي على صوت الـ percussion وطبعا كله أحرج إنه يضحك فكله كان ساكت ، ولكن الدكتور أبى إلا أن يحرج الزميلة فقال سامعين ايه ياجماعة resonance ولا dull فانفجر الجميع بالضحك ، وأصبحت الزميلة غاية في الإحراج ...على فكرة بالمناسبة طول ما احنا شغالين على الطفلة كانت مش ماسكة نفسها من الضحك خاصة لما كنا بنعد ribs واضح انها كانت بتغير جدا
أحييك على الموضوع

٢٠ مارس ٢٠٠٨ في ٥:٣٦ م  

استاذنا عصفور
جزيتم خيرا
اسعدنا الله واياكم
تحياتي

٢٠ مارس ٢٠٠٨ في ٩:٠١ م  

هههههههههههه
الحمد لله انى ما دخلتش طب

٢٠ مارس ٢٠٠٨ في ٩:٤٠ م  

بسم الله
حبيبي هيما ازيك
انا مبسوط انك مبسوط
لان انا عارف انك لما بتضحك بتبين الطقمين ههههه يا قصيييييييير
بالنسبة لكاستر فاعتقد ان الحالة اللي فيه دي كرونك -مزمنة- وصعب جدا يتعالج
يالله ربنا يتولاه برحمته وتيجي من عنده سبحانه ... قول امييييين
ربنا يعينك ويقويك يا سيدي وتحرمناش من الطلة الجميلة دي
نسالكم الدعاء

٢١ مارس ٢٠٠٨ في ٣:١٥ م  

بسم الله
الاخت صانعة
انا مش هاقلب المدونة طرائف ولكن كل فترة كده نتكلم في موضوع طريف ههههه
وماتقلقيش المرة الجاية هنتكلم عن المظاهرات .. انا تحت امرك
تحياتي

٢١ مارس ٢٠٠٨ في ٣:١٦ م  

عمورة
هههههههههه جميلة الطرفة
نفس الموقف حصل لي بس انا كنت لابس ساعة في ايدي اليمين وقمت ناقلها لايدي الشمال عشان نعرف نشتغل هههه
اشكرك عمووووور
تحياتي

٢١ مارس ٢٠٠٨ في ٣:١٦ م  

برايز
اهلا بك في زياتك الاولى للمدونة رغم ان اسمك فيه شبهه هههههه بس انا بارحب بيك دايما
وعموما طب زي صيدلة كله بياخد على دماغه في الاخر
تحياتي

٢١ مارس ٢٠٠٨ في ٣:١٦ م  

مقال رائع

تسلم ايدك

٢١ مارس ٢٠٠٨ في ٨:٢١ م  

معلش يا ابوحميد

ـ إعلان غير مدفوع الأجر ـ

جديد مدونتي

في ذكرى الميلاد .. احتفال أم حداد

تحياتي

٢٢ مارس ٢٠٠٨ في ١:٥٧ ص  

بسم الله
احمد الصباغ
اشكرك
تخياتي

٢٣ مارس ٢٠٠٨ في ١١:٢٧ ص  

بسم الله
المدونة وصاحب المدونة وكل بلد صاحب المدونة تحت امرك يا عمووور

٢٣ مارس ٢٠٠٨ في ١١:٢٩ ص  


I like it when people come together and share ideas.
http://www.prokr.net/2016/09/company-spraying-pesticides-anti-insects-in-al-madina.html
http://www.prokr.net/2016/09/spraying-pesticides-anti-insects-company-in-yanbu.html

١٧ فبراير ٢٠١٧ في ١:٥٣ م  


I definitely love this site.
http://prokr.over-blog.com/
http://prokr2020.angelfire.com/prokr2020/
https://sites.google.com/view/prokr2020
https://www.prokr.net/ksa/jeddah-water-leaks-detection-isolate-companies/

١٣ نوفمبر ٢٠١٩ في ١١:٢٨ ص  


شركة تسليك مجاري بالمدينة المنورة
تعتمد شركة تسليك مجاري بالمدينة المنورة على أيدي مجموعة من أمهر الفنيين المتخصصين في تسليك المجاري بأجود المذيبات كالنيتروجين لما له قدرة فعالة على إذابة المواد الدهنية القوية ويتمكن من الوصول لحل فعال ليكون لها تأثير شديد على الدهون والمواد الصلبة بالمواسير مع متخصص كما نمتاز بالسرعة الشديدة بتقديم الخدمات بدقة ومهارة مثل تركيب الأحواض والخلاطات وأحواض الاستحمام والصنابير.


_______________
شركات كشف تسربات المياه بالمدينة المنورة
يكشف فني شركة كشف تسربات المياه بالمدينة المنورة عن كيفية تحديد تسربات المياه الخارجية والداخلية ومعرفة كيف نفرق بينهم وذلك بالاستعانة بأحدث الأجهزة القادرة على اكتشاف مكان التسريب برغم صعوبته فمنها التسربات الداخلية المخفية التي لا يتم ملاحظتها بسهولة ويتم حدوثها في الوصلات بالجدران والتسربات الخارجية يسهل اكتشافها ومعالجتها.


____________________________
شركة تنسيق حدائق بالمدينة المنورة
مع شركة تنسيق حدائق بالمدينة المنورة يتم تخصيص وتنسيق أحواض بمدخل الحديقة لنباتات الزينة بألوان مميزة مثل الوردي والسماوي والأبيض ومجموعة أخرى صغيرة ذات ألوان باردة فمن معايير تنسيق الحدائق اختيار مكان مميز لتضع به المقاعد والطاولات وأثاث من النوع الذي يتحمل الرطوبة ثم يتم تنسيق الأزهار المعلقة وعمل إكسسوارات متناثرة لكي تضفي أجواء جميلة لذا نحن الأفضل.


٢٧ أغسطس ٢٠٢٢ في ١١:٠٥ ص  

إرسال تعليق

<< Home