مدونــة البحـــر

الاثنين، 12 مايو، 2008

لهذا قـُدم الفهم




قام فينا خطيباً بعد صلاة العشاء ، تحدث في أمور كثيرة ، عن شم النسيم وعن تهنئة النصارى بأعيادهم وعن الولاء و البراء وغيره


كان هذا زميلنا محمد والذي يسبقني بعام دراسي واحد في نفس كليتنا


في أثناء حديثه الطويل قال جملة واحدة استرعت انتباهي ومسامعي
يقول زميلنا العزيز " يجب علينا أن نبغض كل شيء ... إلا ثلاثة : الله ورسوله والمؤمنون "

الجملة صحيحة ومفهومها لا اختلاف عليه ، ولكن ما هكذا تكون الدعوة إلى الله ... آخي الكريم

استهجنت بشدة هذه الطريقة في توصيل الفكرة ، وقارنتها بكلمة الإمام حسن البنا والذي قال " نقاتلهم بالحب "

فرق كبير بين من يدعو إلى فكرته بالحب والمودة ، وبين من يدعو إليها بالكراهية والبغضاء

يقول تعالى " أدعو إلى سبيل ربك بالحكمة والموعظة الحسنة "

ويقول – أيضاً - لرسوله الكريم " فبما رحمةٍ من الله لنت لهم ولو كنت فضاً غليظ القلب لانفضوا من حولك "

أنا لا ألوم هنا أشخاص أو جماعات بعينها ، ولكن ألوم أفكار ومفاهيم خاطئة سيطرت علينا كلنا بلا استثناء

فلنراجع أنفسنا ، و لنحاول أن يتسع أفق رؤيتنا ، و لنفكر في أمورنا و قضايانا بعقل وحكمه وروية " من التروي "


فالفهم قـُـدم على العمل

*******************


فرح الكثيرين من المصريين بالزيادة 30% في مرتبات الموظفين منهم ، كما فرح قبلهم إخوانهم السوريين بعد إن ارتفعت رواتبهم أيضا بنسبة 25% ، ونسوا - أو قل تناسوا - أنهم يعيشوا في ظل حكومات ديكتاتورية قمعية متخلفة تأخذ قبل أن تعطي وتحرم قبل أن تهب

هذا الحكومات - والتي استجابت لأوامر فراعينها - الذين قالوا بعد طول نوم وسكوت " شوفولكم موارد " ، فلم يجدوا أفضل من المواطن العادي المعدم الغلبان كمورد رئيسي ، فرفعوا أسعار البنزين والسولار في مصر بنسبة 40% وفي فضيحة اكبر رُفعت أسعار الجاز والمازوت في سوريا بنسبة 357% - نقلا عن جريدة المصري اليوم-

هذه الحكومات - والتي تصدر الغاز إلى إسرائيل بأبخس الأثمان - لا يهمها الوطن ولا المواطن بأي حال من الأحوال ، وإنما يشغلها ويهمها في المقام الأول كيفية المحافظة على الكراسي والمناصب و لتذهب الشعوب إلى الجحيم

لهذا قـُدم الفهم


*******************

تناهى إلى مسامعي أن بعض الشيوخ الأفاضل أعلنوا مقاطعتهم لقناة الناس الفضائية احتجاجا واعتراضا على ظهور الداعية الأستاذ عمرو خالد على شاشة القناة في احد البرامج الحوارية حول حملة حماية والتي يتبنها الأستاذ عمرو


هذا البرنامج الحواري عندما رأيته في التلفاز فرحت جداً لعلمي أنها خطوة تقدمية جميلة من قناة لها تأثير وصيت في الشارعين المصري والعربي كقناة الناس



استغربت هذا الخبر ولم أصدقه في بادئ الأمر، ولكن بعد التأكد من صحته من اكثر من مصدر، استغربت أكثر لعدم وجود أسباب منطقية معقولة تجعلهم يتخذون هذا القرار والموقف المستهجن


تحية إلى الشيخ محمود المصري - أبو عمار- والذي لم يستجب لدعوى المقاطعة

لهذا قـُدم الفهم
posted by أحمد سعيد بسيوني at 8:51 ص

30 Comments:

أزال المؤلف هذا التعليق.

12 مايو، 2008 9:45 ص  

بسم الله والحمد لله والصلاة والسام على رسول الله وبعد
فحياك الله يا أخ أحمد ورزقنا وإياك والمسلمين الفهم وحسن الإدراك ، وجنبنااعوجاج الفكر وسقامة التصور
وبعد لا أظنني في حاجة إلى كتابة تعليق.. لقد ناقشنا هذه الأمور سوياً في الويك الإند الماضى.. وتشاركنا بعض ما قاله العلامة الغزالي رحمه الله في وصف أولئك الغلمان المتعالمين، كما ناقشنا أيضاً ما ذكرته عن قناة الناس أليس كذلك.
لك من القلب كل الود والحب
تحياتي

12 مايو، 2008 9:51 ص  

بصراحة الموضوع جميل بس ليه تعليق صغير
قد أكون متفق معك ان طريقة الدعوة المذكورة خاطئة
ولكن يجب أن تلاحظ أننا مسلمين ويجب ألا نخجل من ديننا
فقد عرفنا أن تهنئة النصارى بعيدهم لا يجوز وكذلك الإحتفال بشم النسيم
ولا يجب أن نكتم ذلك حرصا على ترغيب الناس فى الإسلام كما يظن بعض الناس
فهذا ديننا فيه الحلال بين والحرام بين ويدعو إلى إجتناب الشبهات
أرجو أن تفهم قصدى بطريقة صحيحة

12 مايو، 2008 1:46 م  

تصدق دي اهم حاجه موضوع الفهم ده

انا اقدر استحمل اي حاجه الا عدم الفهم

مبحبش الناس الحافظه

ربنا يكرمك

12 مايو، 2008 3:25 م  

موضوع جميل فعلا .. وانا هعلق علي كل جزء..

بالنسبه لاول حاجه .. ففعلا لازم يكون المعامله بالحب والود ...ومش بالكره والغصب اللي تخلي الناس تنفر منك ...
اتفق معك
-----------
الزياده في المرتبات محدش لحق يفرح بيها اساسا..هما يومين والناس كلها اتفاجئت في زياده اسعار المحروقات زي السولار والبنزين وبالتالي المواضلات يعني الزياده في المرتبات راحت في المواصلات ...
الله اعلم دا تخطيط منهم ولا ايه لكن المحصله صفر او سالب 10 كمان ..

اتفق معاك
-----------------
قناه الناس .. طول عمري اسمع عن العداء بين الاتجاه المعتدل والتيار السلفي..
المعتدل المتنثل في عمرو خالد والسلفي في يعقوب والحويني وحسان .؟.

انا مكش لاقي اي تفسير منطقي للمقاطعه دي .. لكن انا في اليوم اللي قرات فيه خبر المقاطعه كان يوم الجمعه اللي فات وده معاد حلقه يعقوب ..قلت هلاقيها مسجله بقي ..لقيتها مباشره ..
اذا فين المقاطعه دي ..

لو كانت فعلا مقاطعه حقيقه.. فانا اعترض علي المقاطعه دي...
وايضا اتفق معك..
==================

مدونتك اكثر من رائعه وان شاء الله ازورها باستمرار..

انا ضفت مدونتك الي مدونتي

12 مايو، 2008 7:37 م  

السلام عليكم
طبعا تمام يا فندم
جزاكم الله خيرا فعلا
اشتاق لمثل هذا النوع من التدوينات اللي بيخدم كل القضايا في آن واحد
ده يا فندم مش تقدم الفهم على العمل بس
ده تقدم على الاخلاص اللي هو اساس اعمالنا اصلا
و بعدين عادي بأه هي عادة الحكومة و لا هتشتريها
احنا نعمل زي ما حضرتك تفضلت نركز احنا مع الناس و مع انفسنا
اصل هي في النهاية قضية شعوب يتغيروا .. و خلاص و الكون كله يتغير معاهم ان شاء الله
طبعا قناة الناس انا معرفش الخبر اصلا
بس بصراحة و بدون زعل
انا مش متفقة مع حضرتك في نشر الخبر ايا كان السبب
الناس مش ناقصة توهان و ملابسات خلينا نقلهم اللي يرفع معنوياتهم
و يجمعهم اكتر ما يفرقهم
و طبعا وجهة نظري قابلة للصح و للخطأ
و انا طبعا متأكدة ان هدف حضرتك من تعميق فكرة سامية
بس معلش و الله الناس بتتلكك و هتمسك في الخبر و تسيب الفهم و تسيب العمل
اعزكم الله و ثبتكم
و معذرة على الاطالة

12 مايو، 2008 8:01 م  

بداية ... أنا متفق معاك تقريبا يا أحمد في معظم اللي كتبته ،وأتفق مع نور جديد إن هذه التدوينة جميلة فعلا - بس ما تشوفشي نفسك اوي - ولكن أنا عندي كذا رسالة سريعة - اس ام اس -

ـ أنا أول مرة يلفت انتباهي انك شاطر في الرواية كده يا أحمد وأسلوبك بيجذب اللي بيقرأه ، فعلا أسلوب شيق

ـ بالنسبة لموضوع قناة الناس أنا فعلا استغربت إنهم استضافوا الأستاذ عمرو خالد بل ودعموا حملته وفرحت جدا بذلك ، لكني أول مرة أسمع موضوع المقاطعة ده وأتمنى إنه يكون خاطئ ومش صحيح

- بالنسبة لموضوع الأسعار ، فياريت يا أحمد ما تقلبش المواجع على الواحد ، الواحد كل يوم وهو مسافر بيتحرق دمه فعلا ، ربنا يكشف الغمه ويصلح الحال

- بالنسبة لموضوع الحب ، فعلا المسلم يحب ولا يبغض إلا من حارب الإسلام أو ظلم المسلمين ، ولكن ديننا دين حب ودعوتنا دعوة حب

ـ أنا كان لي سؤال بريء - جدا جدا جدا - هو مين اللي قدم الفهم ، والفهم اتقدم على ايه ؟؟!!!أعتقد إنه سؤال بريء ويستحق الرد .. ولا ايه ؟؟!!!

ـ وختاما أختم بما بدأت أنت به .. إني أحبك في الله

12 مايو، 2008 10:13 م  

الله عليك يا دكتور أحمد
كلام رائع
...
ما أجمل هذا الفكر الوسطي الذي ميز الله به الإسلام
وميز به أمه محمد عن غيرها من الأمم
ذكرتني بذات مرة أرسل لي شخص دعوة إضافة على الماسينجر
وتكلم معي قرابة الساعة واستمتعنا بوقت جميل
ثم قال لي أريد قبل الانصراف أن أصارحك بشيء
أنا من موريتانيا وشيعي
وأنت من مصر وسني
فهل تقبل استمرار صلتنا
قلت له على الرحب والسعة
مالذي يمنع ؟
قال لي : أحيي تفتحك ؟
قلت له : بل هذا فكر الإسلام الذي تعلمته ، نحن لا نقاطع النصارى واليهود ما داموا لا يحاربوننا ، فما بالك بمسلم يختلف معي فقط في المذهب

....
بارك الله فيك أخي الكريم

13 مايو، 2008 1:22 ص  

السلام عليكم
تدوينة متنوعة
نبغض كل شيء وكمان المفروض علينا لا دة انا لازم اجيب قرار المقولة دي لانها خطيرةوحضرتك ذكرت ان دينا دين يدعوبالحكمة والموعظة الحسنة ويدعو للحب كمان
بالنسبة لموضوع الزيادات ربنا يعينا ويرحمنا برحمته
بالنسبة لموضوع الشيوخ انا بصراحة مش مصدقة الكلام دة اولا لاني عرفت من اخ شغال في صناع الحياة وشاهد حلقة عمرو خالد قال ان عمرو خالد قال انه صديق للشيخ حسان وبعدين لو فعلا عملوا كدة يبقوا غلطانين دة من وجهة نظري بس بيتهيالي انهم ما عملوش كدة اكيد دي اشاعة او يكونوا سابوا القناة لسبب تاني مش دة
وربنا يسهل والايام هتوضح
بارك الله فيك

13 مايو، 2008 8:19 ص  

السلام عليكم...صراحة انا بحب كل حاجة بحب الكون اللي حوالبا ولو ماكنش الاسلام دين حب ماكنتش هبقي مسلمة ؟؟انا لما بقرا القران بحس انه بيدعوني اني احب حياتي كلها طالما في رضا الله عذرا انا عايزة اسال خطيبكم انت عايزنا نكره ايه علشان انا مش فاهمه؟؟
وسبق كبيييير لي اصلي كنت عارفة ومتاكدة انه كل حاجه هتغلي فورا بس مارضتش اقول علشان ماحدش يقول ان ظني في الحكومة دايما مش برئ بس هههههههه
امال يعني متخيلين الحكومه الفقيرة الغلبانة بتاعتنا هتجيب منين هي لاقية تاكل علشان تاكلنا...وعجبييييي
يارب مايكونش الخبر الاخير ده صح ويطلع اشاعة بكل المقاييس...نعم اتفق معكم ان الفهم قدم هكذا مبدا حيياتي من خلال تجاربي ولكن حضرتك توصلت لكده ازاي احس انها جملة او قول ماثور ياريت نعرفها حتي نستدل بها نحن ايضا..
والله لو كل واحد حاول يفهم كنا استربحنا كتيييير..جزيتم خيرا

13 مايو، 2008 1:16 م  

السلام عليكم ...بالنسبه للتقطه الاولى اللى حضرتك اتكلمت فيها.. الحب والكره الدعاء ليهم ولا عليهم ندعى ربنا يهديهم للاسلام ولا يخدهم وينتقم منهم..خصوصا انى سمعت مره فى برنامج اننا المفروض ندعى للنصارى واليهودواقصد هنا اكتر الرؤساء اولى الامر وليكن مثل بوش مثلاا ان ربنا يهديه وبالتالى فى الوقت ده هيكون انفع للاسلام والمسلمين
واللى كان بيتكلم استشهد ان سيدنا محمد صلى الله عليه وسلم كان بيدعى اللهم اعز الاسلام باحد العمرين ..
مش عارفه انا دلوقتى بقول منهم لله وخلاص
فى ناس بتقول الرسول عليه افضل الصلاه والسلام كان يتوسم فيهم الخير فعشان كده كان بيدعى ليهم
لكن الموجودين دلوقتى ...لا يتوسم فيهم خيرا
طيب واحنا نعرف منين ...احنا دخلنا جواهم
وسبحان الله قادر على كل شىء
والاكتر من كده ان حد قالى ان المفروض البغض هو اللى يبقى جوانا ناحيه النصارى بصفه عامه حتى زمايلنا..واننا لما نقابل حد مسيحى فى الطريق نضيق عليه الطريق والمعامله بطريقه مش كويسه وحاجات غريبه كده
واحده زميله تانيه ردت وقالت ..طيب اذا كان ده فعلا المفروض يحصل ...ازى ربنا حلل زواج المسلم من اهل الكتاب؟؟؟
وواحده صاحبتى قالت ...الرسول صلى الله عليه وسلم قال ..من عادى لى ذميا فقد عاديته الى يوم الدين
ربنا يهدينا جميعا0....

------
ارتفاع الاسعار
لا تعليق
بس الموضوع ده فكرنى بالباطنه العامه
اللى بيدوه ياليمين ...بيخدوه بالشمال


-------

عمرو خالد

انا اصلا لما شوفت الاستاذ عمرو خالد على قناه الناس فى البرنامج انا استغربت جدا مكنتش مصدقه انه هو فعلا ودى قناه الناس

بس طبعا انا مش مع حكايه المقاطعه دى
وسبحان الله محدش عارف مين عند ربنا احسن

اسفه على الاطاله
شكرا على هذه الدعوه(تقديم الفهم عل العمل )...

13 مايو، 2008 7:53 م  

بصراحة كلامك مقنع جدا ربنا يحميك

14 مايو، 2008 2:34 م  

ممممممم


ماشاء الله موهبه الكتابه عند حضرتك جميله


ربنا يوفقك

15 مايو، 2008 1:35 م  

الفهم ... الفهم

المشكلة الازلية عندنا

فعلا الحفظ بقى كتير اوي

قليل لما تلاقي حد فاهم

ولما الفاهم يظهر تلاقيه بيتهاجم هجووم حااااااد من الناس الحافظة وللاسف بيبقى قلة قدامهم
جزاك الله خيرا

15 مايو، 2008 10:11 م  

انا مالي يا عم انا مش هعلق
انا اخواتي لسه صغيرين وعايز اربيهم
انت اكيد عارف انا عايز اقول ايه

16 مايو، 2008 2:48 م  

بسم الله
حبيبي ابن الأزهر
مازلت اذكر بيت الشعر الذي نقلته على لسان الإمام الغزالي والذي يقول
يقولون هذا عندنا ليس بجائز .. ومن انتم حتى يكون لكم عند
جميل
حقيقة ... الجلسة التي كانت في الويك اند كانت جميلة وثرية
جزيتم الجنة

17 مايو، 2008 11:22 م  

بسم الله
وأنا متفق معك تماما في عدم الخجل من ديننا ولا ادري ما الذي دفعك إلى قول ذلك ويبدو انك فهمتني خطا
ولعلمك الذي يخجل من الإفصاح بدينه فهو غير مقتنع به أصلا وهذه تهمة كبيرة
آخى رامي
كلنا يعلم أن الاحتفال بعيد شم النسيم حرام ولكن تهنئة النصارى ففيها أقوال منها الشيخ القرضاوي والذي احل تهنئتهم بل وجعلها من البر
القصد من موضوع كهذا هو عدم الحكم على الأمور بظواهرها وهذا ما قمت به أنت زميلي العزيز يعني دعوتني إلى إعمال الفكر والفهم الصحيح ... أسيء فهمها ؟؟؟ وهذا ما اسائني
روميو في ديننا العظيم ترتب الأمور حسب أولويتها فلا تجد رجلا مثلا لا يصلي ويدخن فتأمره بترك التدخين ولا تأمره بالصلاة لان إتيان الصلاة والتي هي فرض مقدم على ترك التدخين والذي اختلف العلماء في انه حرام أو مكروه على اقل تقدير
احييك واطلب منك إعادة قراءة البوست بفهم اكبر
دمتم

17 مايو، 2008 11:22 م  

العزيز فهد
أحييك على فهمك للموضوع وعلى زيارتك الأولى للمدونة والتي أتمنى أن تستمر
بوركتم

17 مايو، 2008 11:23 م  

دكتور احمد
ذكرتني بأحدهم قال ياريت ما كانوا رفعوا الرواتب ولا زودوا الأسعار وكانوا سابونا في حالتنا المنيلة زي ماحنا
أنا بقى اختلف معاك في تسمية الخلاف بين الاتجاه السلفى والاتجاه المعتدل عداء
فهو ليس بعداء ولا حتى خصومة ولكنها اختلافات طبيعية في وجهات النظر وفي المذاهب الفقهية وفي تقديم الأولويات وخلافه وليست بأي حال من الأحوال عداء أو كره
أتمنى أن تكون هذه النقطة قد وضحت
تحياتي

17 مايو، 2008 11:23 م  

نور جديد
عندك حق في موضوع أنها شعوب إذا تغيرت ، فستتغير حكوماتها وقادتها
لذلك صدق الشعار : اصلح نفسك وادع غيرك و إنما يبدأ البناء من قاعدة الهرم
في موضوع قناة الناس
أنا أتمنى من كل قلبي أن الخبر يكون خاطئ لاني اكن لشيوخنا الكرام كل حب وتقدير وقد حضرت لهم الكثير من الدورس في مساجدهم فهم علماؤنا وشيوخنا وعلى رأسنا من فوق ولكن إذا كان خبر المقاطعة صحيح فهو أمر مستهجن
ولا اعتقد أنى قد ساعدت في نشر الخبر لانه موجود على مواقع مثل العربية ولينك والمصريون وغيره فلا اعتقد أن هذه المدونة الصغيرة تنشر خبر وتضخمه ولكن كل ما فعلته هو إبداء رائي في موقف خاطيءمن وجهه نظري طبعا
أشكرك على وجهه نظرك والتي احترمها جدا وتسعدني زيارتك دائما
تقولين "خلينا نقلهم اللي يرفع معنوياتهم" ... إن شاء الله في البوست الجاي خبر سعيد
دمتم بخير

17 مايو، 2008 11:24 م  

الغالي وابن الغالي عمر
الله يسامحك يا عمر .. يعني بقالك اكتر من 5 سنين مع بعض ولسه ماتعرفش أنى بتاع روايات واخراج واشتغالات هههه طب بس لما أشوفك
صحيح كل الأجرة زادت إلى أي مشوار حتى التوك توك ... منكم لله يا بعده
بالنسبة لسؤالك فاللي قدم الفهم هو دين الإسلام لان دين الإسلام آتى لتغليب وتقديس واحترام العقل فالإسلام دين فهم وعمل
ولا عندك كلام تاني؟؟؟؟
كلمة أخيرة ، يشهد الله أنى احبكم جميعا في الله
تحياتي ودمتم بود ومذاكرة هههه

17 مايو، 2008 11:24 م  

شاعرنا إسلام
أول زيارة كريمة من حضرتك لمدونتنا البسيطة
صدقت ... فقد جعلنا الله أمة وسطا تبتغي الوسطية في كل أمورها
احييك على فهمك وسعة افقك ورحابة صدرك
جزيتم الجنة

17 مايو، 2008 11:24 م  

أختي أم إسراء
أتمنى من كل قلبي أنها تكون إشاعة مغرضة سخيفة ههههه
وربنا يوفقنا وإياكم إلى ما فيه خير البلاد والعباد
تحياتي

17 مايو، 2008 11:24 م  

الزميلة الدكتورة
احييك على السبق الكبير .. لانه معلش بقليل من الفهم هتعرفي أن الحكومة دي عمرها ما أعطت حاجة باليمين إلا و أخذتها بالشمال
بالنسبة لجملة لهذا قدم الفهم فهي جملة عادية ولا اعتقد أنها قول مأثور أو خلافه فهي عنوان بسيط طرأ في مخيلتي لهذه التدوينة ومافيش مانع حضرتك انك تعتبريها قول مأثور عن العبد الفقير ههههههه
جزيتم خيرا

17 مايو، 2008 11:24 م  

بسم الله
الدكتورة كويت استورم
بالنسبة لموضوع الدعاء لهم أو عليهم فاعتقد أن حله بسيط وهو الدعاء بأنه ربنا يهديهم فان لم يهتدوا يأخذهم إلية اخذ عزيز مقتدر قولي امييييين
بالنسبة للموضوع الآخر وهو معادة النصاري واهل الكتاب فهو امر خاطي جملة وتفصيلا ما داموا مسالمين وغير محاربين لنا بل تجب علينا معاملتهم بالحسنى ودعوتهم إلى دين الحق لان هذا هو ما امرنا به ديننا العظيم دين الإسلام وقول الرسول صلى الله عليه وسلم واضح في هذا الشان
قولتي " وسبحان الله محدش عارف مين عند ربنا احسن" والله هذه الجملة جميلة أثرت في كثير فربنا هو الذي يعرف الصالح من الطالح وهوا العليم بخبايا النفوس ونساله تعالى أن يغفر لنا ويرحمنا ويهدينا الى الطريق المستقيم
جزيتم خيرا على هذا التعليق الجميل
جزيتم الجنة

17 مايو، 2008 11:25 م  

تامر صلاح
جزيتم خيرا

عمر احمد
أشكرك على المجاملة اللطيفة
أهلا بك مدونا صغير السن كبيرا في الفهم والعقل
تحياتي

17 مايو، 2008 11:26 م  

دكتورة روميساء
جميل جدا أسلوبك في التورية والسخرية
احيييك

شاعرنا حودة
هو أنت لوحدك اللي عندك أخوات صغيريين هههههه انا عندي اكثر منك واراهنك على كده ههههه
بس أنا فاهمك يا محمود والقلوب والعقول عند بعضها
تحياتي ودمتم بخير

17 مايو، 2008 11:26 م  

السلام عليكم ورحمه الله وبركاته
جزاك الله خيرا يا دكتور
نسال الله ان يرزقنا جميعا الفهم الصحيح للاسلام وان نعمل بقهمنا هذا لخدمه هذا الدين وتقريب وجهات النظر بين التيارات المختلفه

18 مايو، 2008 12:02 م  

اختك بنت حرة جزاك الله خيرا علي الموضوع الجميل ده

18 مايو، 2008 9:23 م  

بسم الله
الاخ سلفي بس اخواني
الاخت حرة
جزيتم خيرا على المرور والتعليق
تحياتي

20 مايو، 2008 10:52 ص  

إرسال تعليق

Links to this post:

إنشاء رابط

<< Home