مدونــة البحـــر

السبت، ١٥ نوفمبر ٢٠٠٨

لو تركتموني اكمل





"هيه بلسم حياتي .. هيه في القلب يقين"

ما كدت انتهي من شطر هذا البيت منشداً إياه ، حتى تعالت الصيحات من مجموعة زملاء

الأول : اييييييييييييييييييه .. الله عليك يا بسيوني

آخر : قول يا كنج ، قول و فضفض

و آخر : كل سنة و أنت طيب في الأدب والإحترام

و آخر : بيسو باااااز يا رجالة

وبعد أن هدأت العاصفة ، سألني أحدهم : هي مين دي يا بيسو

في هدوء وبإبتسامة عريضة أردفت : لا إله إلا الله

يقول المنشد : هيه بلسم حياتي .. هيه في القلب يقين .. لا إله إلا الله .. ونجاتي بيوم الدين .. لا إله إلا الله

آه .. لو تركتموني أكمل
!!!

*****

كنت أتمشى مع زميلين عزيزين ، حينما طلعت فجأة بهذا الكوبليه

توقف أحدهم عن المشي وشرع في الصلاة على الميت الحاضر ، بينما إكتفى الآخر بقراءة الفاتحة على روح المرحوم

لم أُعـر إنتباهاً لردة الفعل ، و واصلت الإنشاد

سطر يا تاريخ ** واحكي اللي اتقال ** وتعالى وخدنا نبوس ايدها
دي حبيبة في نن العين تتشال ** وهتفضل ذكرى نرددها ** وتعالى وخدنا نبوس ايدها

قطع الأول صلاته ، بينما أهدى الثاني قراءته لسورة الفاتحة لميت غائب آخر

فاكملت : آه .. لو تركتموني أكمل
!!!

*****

نفسي الفقيرة ، أخي العزيز ، أختي الفاضلة

قبل أن تحكم في أي قضية أو في إي أمر من الأمور ، إنتظر قليلاً حتى تتأكد من أنك مُـلم به من جميع الجوانب ، ثم اطلق لنفسك ولرأيك و لوجهه نظرك العنان


***
** بسيوني او بيسو او بسبس .. هي كلها أسماء تطلق على الفقير صاحب هذه المدونة ، بحكم ان اسم الجد بسيوني .. لذا وجب التنبيه

** من أفضل الأراء التي حكمت على صوتي في الإنشاد يقول : صوتك حلو بس لو تسكت احسن .. لذا وجب التحذير

posted by أحمد سعيد بسيوني at ١٢:١٥ ص

17 Comments:

السلام عليكم ورحمة الله وبركاته

أحسنت ...

نعم في كثير من الأحيان نحكم على الناس بالظاهر دون الباطن وبما نسمعه عنهم دون أن نسمع منهم وببعض كلامهم قبل أن يكملوه .

دائما أحب أن أستمع للشخص وأسأله وأتأكد تماما ما أظنه فيه حتى إذا أردت أن أحكم عليه يكون حكمي صوابا .

والسلام ختام .

١٥ نوفمبر ٢٠٠٨ ٣:٤٢ ص  

بسم الله
بجد رغم ان الموضوع قصير جدا ومش فاهمه ليه
بس

بجد جميل جدا

على الاقل بالنسبه ليا لانى متسرعه شويه

شكرا

١٥ نوفمبر ٢٠٠٨ ١٠:٥٧ ص  

بسم الله
واحشنا يا ريس
أمال لو سمعوك بقى وانت بتقول " فتنت روحي"
بغض النظر عن اللي بعدها
بس كريقة غناك هتخللي الناس تقول لك :" يا سلاااااااااام قولها تاااااااااااني"
انت فاهمني طبعا يا ابو العز
أطال الله قامتك ورفع هامتك
والسلام

١٥ نوفمبر ٢٠٠٨ ١:٠١ م  

ياسلام يابيسو فكرتينى بنشيد مشاري
ريض يالطارش
طبعا تلاقيك سمعته ومفهمتوش ههههههههههه

وان سأل عنا له المنا

قل على ما كنت تدريبه
مدعيكم غايب ن عنا

و الحكم ميوز في الغيبه
ينبغي لانسان يتأنى

و يحكم باحكام ن امصيبه

***


لا تحسب الحيف ذامنا

النصف ناخذ و نعطي به
سو جميل و بلغه عنا

بالسلام و ألف ترحيبه

خد بقى اسمع النشيد ومعانى كلماته من الرابط ده

http://talk.fanateq.com/vb/showthread.php?t=78089

ودعواتك بكرة للاهلى ونحتفل فى اسكندرية ان شاء الله
حلم كبير

١٦ نوفمبر ٢٠٠٨ ١٢:٢٤ ص  

ها يا بيسو الوضوع خلص؟

يعنى أعلق بقى أوك

بص من الاخر انت اللى بتنقى مقاطع من إياها

وبعدين تقول لو تركتمونى أكمل

أنا عارف التمويه اللى انت بتعمله دا

بس تصدق عندك حق برضو

فيه شوية ناس كده كل اما اتكلم يقاطعونى ويغلطونى

معندهمش أسلوب فى الحوار

ربنا يتوب علينا وعليهم

تحياتى الخالصة

١٦ نوفمبر ٢٠٠٨ ٢:١٣ ص  

الله ينور عليك بجد انشودتين اجمل من بعض

بس تبطل تنشد احسن هههههههههههه

ربنا يكرمك يارب

١٦ نوفمبر ٢٠٠٨ ٢:٢٩ ص  

والله انت صح مش لازم ناخد بالظواهر

طب عارف عندي لما بحقق في حدث معين

مش بلتزم بوثيقه واحده لازم كذا وثيقه وشواهد عيان وكمان اتحقق من اي وثيقه بايدي واحللها تحليل دقيق

مابالك بقي في العلاقات الانسانيه

١٦ نوفمبر ٢٠٠٨ ١:٥٥ م  

انا مع النجم فى رايه يا بيسو مش علشان بتسمع اناشيد يبقى لازم تصدعنا بيها
ههههههههههههههه

١٦ نوفمبر ٢٠٠٨ ٣:٤٥ م  

نعم المشكلة عندنا اننا ننصف الشخص

بامور ظاهرية

و نضع هذا التوصيف في الحس الأدراكي لدينا

و نعامله على هذا التصنيف

١٦ نوفمبر ٢٠٠٨ ٤:٤٢ م  

.

.

المدون الفاضل : :
..نتمني لك مزيدا من التقدم والنجاح
وان تكون مدونتك معبرة عن صوتك في كل مكـــــان
.. .. .. ... ..
سعيا منا بأن نجعل للفتيات المدونات صوتاً أكثر قوة وانتشارا
وتأثيراً وبان نرتقي بفكرنا وثقافتنا وعلمنا وخلقنا

كان اقدامنا علي تأسيس رابطة واحده تضم جميع الفتيات المدونات
لتكون همســات هي من تجمعنا في قلب واحد

فندعوك للمشاركة معنا بأفكارك ومقترحاتك ....
كونك معاصراً لثقافة التدوين وناظرا الي ما تحتاج اليه
الفتاه المدونة .. .. .. لترتقي اكثر فأكثر

شاركونا .... لأنكم جزء منا . . . .

همــ قلب واحد يجمعنا ــسات


تحياتنا :::
(( فريق العمل بهمسات ))

١٦ نوفمبر ٢٠٠٨ ٨:٠١ م  

السلام عليكم

والله جميل عرضك للفكرة ولكنى متأكدة أن صوتك فى الانشاد أحلى ما يكون فالكلام الرائع ده يغنى بالقلب وليس من الحنجرة ويسمع بالقلب وليس بالأذن

بل انى أسمعه الآن
أحسنت
وأعد يا دكتور بيسو

حتنور الأسكندرية وتتشرف بيك وباصحابك من بائعى المسك

ربنا يحفظكم من كل سوء

١٦ نوفمبر ٢٠٠٨ ٨:٣٣ م  

ماقلتش يا باسيو بقى


هى مين ؟؟؟؟؟؟؟؟؟؟

١٦ نوفمبر ٢٠٠٨ ١٠:٤٠ م  

أزال المؤلف هذا التعليق.

١٦ نوفمبر ٢٠٠٨ ١٠:٤٠ م  

قعلا سبحان الله ناس كتير تفهمك غلط قبل ما تكمل كلامك وتنهيه ويفهموا انت تقصد ايه
زى الايه لا تقربوا الصلاه لو تركتها من غير ما تكمل لفهمها الناس مفهوم اخر تماما

١٨ نوفمبر ٢٠٠٨ ٧:٣٨ م  

يلزمنى رايك فكن ناصحا ولا ملامة، فهدفى افهام المرضى والموتورين ممن يتطاول او يخادع بدس السم فى العسل تحت دعوى الدفاع عن الاسلام ، ان العين بالعين والسن بالسن والبادى اظلم ، وجنت على نفسها براكش

٢٠ نوفمبر ٢٠٠٨ ١٢:١٠ م  

فعلا التسرع شىء سلبى ممكن يؤدى إلى عواقب وخيمة وخاصة إن ربنا سبحانه وتعالى وهب الإنسان وميزه عن باقى المخلوقات بالعقل ودعا إلى استعمال عقله فى شئون الحياة ..

فدعوة إلى التمهل والتفكير

وكما يقولون فى العجلة الندامة ...


د إبراهيم

٢٢ نوفمبر ٢٠٠٨ ١٢:٥٩ ص  

دعوة لصيام يومي الأثنين 24/11 - 1/12 والدعاء لإخواننا في غزة والتبرع بثمن وجبة الافطار لأهالينا في غزة
والي عايز يشارك يسجل معانا في حملتنا بوضع البانر في مدونته والمشاركة في الجروب ويدعو الناس كلها للمشاركة معانا
هدفنا 1.000.000 مسلم يدعو ويتبرع لاخواننا الرقم سهل ونقدر نحققه بس عايز تعاون وجدية
والي ميقدرش يصوم يوم يصوم التاني بس لازم نصوم من اجل اخواننا في غزة

البانر علي المدونة


www.bahebalhorea.blogspot.com


http://www.facebook.com/group.php?gid=37720052122

٢٣ نوفمبر ٢٠٠٨ ١٢:٥٧ ص  

إرسال تعليق

Links to this post:

إنشاء رابط

<< Home