مدونــة البحـــر
الاثنين، ١٣ أكتوبر ٢٠٠٨
Need For Speed ... التعلم من لعبة
NEED FOR SPEED
نيد فور اسبيد "N4S" .. التعلم من لعبة
ومن منا لا يعرف هذه اللعبة .. إنها لعبة السيارات الأشهر عالمياً
ولكن ماذا تعلمنا منها
أولاً
...
العمل – اللعب - الجماعي افضل من الفردي ، سواء على مستوى المتعة في العمل – اللعب - أو على مستوى الإنجاز ، بسبب تأثير قوة المنافسة والتحفيز مما يدفع الجميع لإخراج جميع ما في جعبتهم من طاقات وإمكانيات.
..
ثانياً
...
اختيار الوسائل والأدوات المناسبة – السيارة القوية السريعة كمثال - لإنجاز العمل بصورة مثالية فضلى.
ثالثاً
...
المثابرة والإصرار على إنجاز العمل على افضل وجه وبأفضل مستوى.
" أثناء اللعبة قد تجد نفسك في مركز متأخر وبتركيزك وقيادتك السليمة ومثابرتك وإصرارك تصل إلى مراكز افضل ، ولكن إذا تكاسلت وتقاعست فستظل كما أنت في المؤخرة "
رابعاً
...
تشجيع كل منا للآخر ودفعه لمواصلة الطريق – السباق – واعتبار أن نجاحه من نجاحي وفشله من فشلي.
تشجيع كل منا للآخر ودفعه لمواصلة الطريق – السباق – واعتبار أن نجاحه من نجاحي وفشله من فشلي.
مره كنت بالعب من محمد عبد الباسط ، وكنا أنا وهو في المركز الأخير وقبل الأخير ، وعمالين نخبط في بعض وسايبين العربيات كلها في المقدمة ، و مازلنا نكسر في بعض في المؤخرة ، فقالي إحنا عاملين زي السعودية وتونس في كاس العالم 2006م ، يخسروا من الدنيا كلها ويجيوا يتعادلوا مع بعض ويطلعوا هما الاتنين ، فكنت كلما اعدي عليه واسبقه أقوله : شدي حيلك يا تونس ، وهو كل ما يعديني يقول : ربنا معاكي يا سعودية ، وطبعاً أنا اللي فزت في النهاية ، لأني أنا دايما اللي بأفوز – وش بيغمز - مش كده ولا أية يا حمادة
خامساً
...
عدم التوقف إلا بعد الوصول وعبور خط النهاية – مع صوت الصفارة زي ما بيقولوا – لان الثانية الواحدة بتفرق من مركز إلى آخر.
مرة كنت بالعب مع أخي أسامة وكنت أنا قبل الأخير وهو الأخير – وكما هو معروف أن الأخير بيطلع من السباق – ، جيت على قبل خط النهاية بأمتار قليلة وتركت زر السرعة وكان هو خلفي بمتر فسبقني بجزء من الثانية وكنت أنا الخاسر
صدق رسول الله
"الحكمة ضالة المؤمن أنى وجدها فهو أحق الناس بها"
9 Comments:
اللعبه دي الوحيده اللي بحب العبها
علشان سهله:))))
وكل اللي حضرتك نوهت ليه من اللعبه ده حقيقي
تركيز مثابره عمل جماعي
مشكلتنا العمل الفردس
ربنا يصلحلنا الاحوال
بجد انا بحيي حضرتك ناس كتير بتلعب اللعبه دي بس مش اي حد ممكن يستفيد منها كده
فتحياتي
موضوعك مسلى وهادف فى نفس الوقت يا أبو حميد
بجد ماشاء الله عليك .. أول مرة ألاقى فايدة لنيد فور سبيد ، دا أنا حتى كنت بتريق عليكم وإنتوا بتلعبوها إنت ومختار وعبد الباسط يوم العزومة إياها((وش مكسووووووووووف خالص)) ههههه
المهم بقى يابطل .. عايزين الموضوع الجاى تقولنا فيه إستفدت إيه من لعبة فيفا 2005 ، أكيد بقى إستفدت من دى كتيييير ، ماهو مش معقولة يعنى كنت بتنط من على سور المدينة بالليل إنت والشلة عشان مجرد لعبة وخلاص .. أكيد فيه مغزى يعنى ههههه ، شكلى طلعت أسرار أمن دولة ولا إيه ؟
خلاص ياعم .. أنت هسكت أهو
والسلام ختام
مع إنى مش بأحب اللعب خاااااااااااالص
و لكنه إسقاط رائع يا دكتور
جزاكم الله خيرا
السلام عليكم...
حقيقتا لا أعرف اللعبه تماما ولاكن أعرف موجز عنها...
بالطبع جميل جدا أخذك الجانب المشرق ...
وطرحك الفوائد التي لا يعطيها الأغلبيه
حقها ...
تميزت حقا في طرحك...
دمت بخير أخي...
بسم الله الرحمن الرحيم
جميل الموضوع وكلام رائع بس مش وقته احنا فى اجازة مش فى ايام فتور ماقبل الامتحانات نتمنى نشوف زيه فى وقته .
عموما فكرة حلوة ويارب ما يبقاش فيه وش بيغمز تانى
davincifodo
صدق رسول الله
صلى الله عليه وسلم
بتثبتنا بعد اللعب
ماشي
:)
ربنا يكرمك يا دكتور
وتلعب كده وتتعظ على طول
:)
ايه ياعم بسيونى الحاجات دى
انت مقضيها لعب عربيات
طب الفيفا مالها
مفيها برضه تعليم احلى من كده
جماعى جماعى يعنى
بس ولا يهمك بلاها فيفا ونمشيها نيد فور سبيد
انت بقى تشد حيلك فى اللعب كده
وتطلعلنا الاسرار
بس احلى موقف اللى كان معاك انت وتونس ... قصدى عبد الباسط
احب اعرفك انه لسه متخلقش اللى يغلبنى ههههههه
تقبل تحياتى
مع انى كنت هقفل البوست عندما رأيت هذه اللعبه التى تسببت لى فى عقده
الا ان الموضوع طيب جدا
جزيت الجنه وجعله الله فى ميزان حسناتك
وزادك فقها وعلما وحكمه
إرسال تعليق
<< Home