مدونــة البحـــر
الجمعة، ٣ أكتوبر ٢٠٠٨
و اخيراً .. اختليت بها
funny Post of happy feast
و أخيراً .. اختليت بها
كم كنت انتظر هذه اللحظة بفارغ الصبر
ليال ٍ كثيرة بت احلم فيها بهذه اللحظة الخالدة ، والتي اعتقد أني لن أنساها ما حييت
آه .. لو تعلمين كم من أوقاتٍ كثيرة قضيتها تائهاً سارحاً متخيلاً
آه .. لو تعلمين كم من ساعات طويلة مرت علي وأنا هائماً في حبك ، مأسور بسحر جمالك ، شارداً في نعومتك و رقتك اللامتناهية
آه .. لو تعلمين كم من أشياء كثيرة نسيتها كي أتذكرك أنت وفقط
لقد ملأت علي حياتي فلم أعد أرى إلا رسمك ، ولم أعد اسمع إلا صوتك ، ولم أعد أتنفس إلا عشقك
كم أنت كبير يا الله انك خلقتها بهذا الجمال وبهذه الروعة اللذان يخلبان الألباب
يا الله كم هي جميلة .. رقيقة .. متوردة .. ممتلئة .. لطيفة .. ودوده
إنها كالملكة المتوجة بين الجواري والأميرات ، وكالوردة المتفتحة بين الزهور والشجيرات ، و كالشمس الوضاءة بين الكواكب و المجرات
اقتربت منها حتى لم يعد يفصلني عنها إلا سنتمترات قليلة ، لعلي انهل من جمالها أو أنال شيئاً من عبير رونقها أو أريج سحرها .. أحسست بانكماشها ، فتراجعت
نظرت إليها نظرة ود مطمئنة ، ولسان حالي يقول
أحـبك حُـبـين حـب الـهــــوى** وحــبــاً لأنــك أهـل لـذاك
حروف اسمها له موسيقى خاصة ، فغالبية حروفه حروف همس ، أحس براحة نفسية واطمئنان هائلين بمجرد النطق به فحسب
عشت احلم منها بهمسة دافئة .. أو لمسة حانية .. أو نسمة تنشر في الدنيا الحب والتفاؤل والحنان
ولما لا .. وهي اصلها ثابت في الأرض وفرعها في السماء ، تؤتي أكلها كل حين
هي نور و منار .. ماء عذب و نار .. هيامُ ليل ٍ و عشق أسحار
يا ربي لك الحمد والشكر على هذه النعمة الغالية
يا ربي لك الحمد والشكر على هذه التفاحة
إنها تفاحة حياتي
***************
35 Comments:
بسم الله
حبيبى
واخيرا اختليت بها .. يااااه
طب كنت قولى .. وانا كنت قطعت عليك الخلوة دى
بجد انا وانا بقرأ الكلام من الاول
قعدت اقول لنفسى .. ايه دا ..
يخرب بيت الكفرة ..
احمد انحرف .. لا حول ولا قوة الابالله
ولما شوفت التفاحة .. ياااه
هى دى اللى انت شاغلنا بيها بقالك اسبوعين
وزانتظروا بوست العيد
دا بوست جاامد
هو فعلا بوست جامد جدا
وان شاء الله لما تجينى
هاتها بس معااك وانا هخليك تختلى بيها زى ما انتا عاوز
(( التفاحة طبعا ))
سلام .. حبيبى
وكنا عاوزين ننزل الاستايل الجديد يا حاج قبل الموضوع دا
علشان الحلو يكمل
يا حلو انت يا حلو
سلااام بقى
جامدة والله يابسيونى
بس نصيحة منى مش حلو كتم المشاعر
ممكن تنفجر فى يوم من الايام
وبعدين التفاحة دى ممكن تخيل على اى حد غيرى
أنا عارف انها الموزة
تحياتى
انا قلت الراجل دا بيكتب قصة حب ولا ايه مكنتش اعرف انك طالع من رمضان مفجوع طب يا عم كل وانت ساكت متجوعناش معاك احنا ناس غلبانين منقدرش نشترى التفاح ولو اشترينا حيبقى ذواق بس ومنقدرش نختلى بيها من العيال
وكل عام وانت بخير تقبل تحياتى
والله انا متخيلتش انها فى الاخر حتطلع تفاحة
مش عارفة ليه جه فى بالى انها الكعبة
يللا ربنا يرزقك وايانا زيارتها
كل سنة وحضرتك طيب
عنوان جذّاب
وفكرة حلوة
وأسلوب لذيذ
والتعبيرات طِعمة
والموضوع لطيف جداا
أطلقت للجميع الخيال ليفكر..جمييل
تحياتي
وكل سنة وحضرتك طيب وبخير
ما كنتش اعرف انك جعان كدة والمهم انك ما قلتش عملت ايه لما اختليت بيها بس فعلا انا عاوز ابكى لانها هى كده فعلا انت شفتها زى ما انا شايفها ووصفت اكتر ماانا بوصفها انا نفسى ...
انا كان فاضلى شوية أبدأ أزيع عن جنازتك مقدما
جزاكم الله كل خير
وتقبل الله منا ومنك
السلام عليكم و رحمة الله وبركاته
أزال المؤلف هذا التعليق.
كل عام وانت بخير اخي ...
وبوست جميل جدا...
ههههههه
والله اتخضيت
بس الحمد لله
كل سنه وحضرتك طيب
الكل بيقولكم:
كل عام وانتم بخير
بس أنا مش هقول زى الكل ولكن هقول:
أنتم خير لكل عام
وأهديكم عطر الورد وألوانه
أرسل خطاب أنتم عنوانه
أهنيكم بقدوم عيد الفطر
وأيامه
والود ودى.. اجمع كل ورد العيد
وأكتب على كل وردة :
يارب أشوفك سعيد
حمد
انت خنقتني
انا قلت ده هو قرا البوست بتاع الحب بتاعي
والعملية شعشعت معاه
وفي الاخر تقولي تفاحة
ياراجل روح
الهي تقع في قفص تفاح محترم
بصراحة ياحمد حرقت دمي
وانا ياعيني عايش جو الرومانسية
معلش انا كنت كتبت تعليق بالمعرف بتاع اختي وانامش واخد بالي
وحذفته
سلام يا احمد
رامى حكالى على الموضوع قبل ما ينزل
وقلت بقى هنشوف حاجه جامده
هو ممكن يكون فى حاجه احنا مش فاهمينها
سيم يعنى والتفاحه دى تطلع حاجه تانيه
واكيد كده
مش معقول يعنى هتموت على تفاحه انت اكبر من كده
بس بلاش احبك حبين دى علشان فيها مخالفات كتيره لو كانت لله فما بالك ان لم تكن لله تبقى مصيبه
تحياتى ليك
وياريت تنورنا
بسام سعده
0333السلام عليكم ورحمة الله
انا بقى ما اتهتتشي
انا عارف انك مش هتعمل حاجه غلط
وقعدت اقول هتطلع ايه هتطلع ايه
وطلعت تفاحه
انا فرحت عشان تفكيري كان صح
بس زعلت لاني مش بحب التفاح
يلله بالهنا والشفا يا ابوحميد
وما تنساش اني طالب منك تمر انا ومحمود فرج
بقالنا سنه وانت ماجبتوش
ياه يا اخى كل ده لتفاحة
ااقول مامته طب اخته طب مين وتطلع تفاحة بالهنا والشفا
كل سنة وانت طيب تقبل الله منكم ومنا صالح الاعمال
كل دة علشان تفاحه
بالهنا والشفا يارب تاكل من تفاح الجنه اللهم امين
كل سنه وحضرتك طيب
عيد سعيد
لا إله الا الله
تفاحة!!!
ربنا يهنيكم ببعض
إذا كانت لسه موجودة أصلا
D:
كل سنة وحضرتك طيب
آه ياخوفي عليكي ياتفاحة من الصدمة بعد الكلام الحلو دة هتلاقي ايه ياترى
ضربة سكينة ف جنبك ولا عضات تتوالى ف لحمك آآآه ياتفاحة
بالهنا والشفا بقى يادكتر أحمد
دة بس كان من فرط تأثري بالكلام
بسم الله
بعد 18 تعليق
لا ادري لماذا لم ينتبه أحد إلى جملة
إنها تفاحة حياتي
إنها تفاحة حياتي
إنها تفاحة حياتي
؟؟؟؟؟؟؟؟؟؟؟؟؟
والتي تنسف فكرة التفاحة الفاكهة تماماً
فهل يعقل أن تكون تفاحة الحياة ... فاكهه
!!!!!!!!!!!!!!
ما انت اللي غلطان يا احمد
انا قعدت فكر ايه هي التفاحه اللي اصلها ثابت وفرعها في السماء
والكلام اللي من النوع ده
وقعد اقكر تقصد ايه تقصد ايه
بس في الاخر لاقيتك راسم تفاحه بجد
انا عندي اقتراح
انت ممكن تعملها فزروه
والجدع اللي عرف انت قصدك ايه
ماشي
هههههههههههههههههههههههه
الله يحظك يا محمود ههههههههههههههههههههههه
عشان كده انا ممتنع عن التعليق
بسم الله
ههههههه
انا موافق يا حودة
وليه جايزة كمان ههههههه
بالنسبة للاصل الثابت فالمقصود انها من اسرة اصيلة معروفة الحسب والنسب
تحياتي
وازي التفاحة دلوقتي؟ وياترى اتقشرت ولا كلتها بقشرها عشان ماما تجري وراك؟؟ آه وربنا ماما محرجة علينا ناكل تفاح او خيار بقشره
ما عليناااااا،، ويا ترى اتاكلت كده ولا قكعتها اربع تربع؟؟
لألأ دي امور مهمة مش لازم نعديها
ربنا يديم عليك حب التفاح ويرزقني بمنجاية في اليومين الحر دول
كل عيد وانت طيب واكل متهني
مها ميهوووو
أنا من بداية البوست حسيت ان فى خدعة ، لكن كنت متأكد برضة أن الكلام مش على مجرد تفاحة
تفاحة أية اللى مابتسمعش غير صوتها وبتتنفس عشقها
تفاحة اية اللى اصلها ثابت وفروعها فى السما
الحمد لله طلع ظنى فى محله وطلعت التفاحة مجرد رمز .. بس بجد مش قادر اعرف بترمز لأية؟
جزاكم الله خيرا
تصوير رائع..وطريف فى نفس الوقت
وفقكم الله ورزقكم الكثير منها
ايه الكلام الجميل ده بحييك على مشاعرك الجميله ومدونتك الرائعه .
كل عام وانت بخير .
الإختلاء ... كان اختلاء ارواح
لعلها دعوتي
جميل بجد
بس خد بالك
التفاح غالي .. فحافظ عليه :)
دمت بكل خير
عندى تاج فى المدونة ياريت لو عجب حضرتك تاخده تحله
أخى أحمد :
خلوت أم اختليت
خلوت : عندما تكون الخلوة سلسة وميسرة وجميلة ومحببة .
اختليت : إذا كانت الخلوة صعبة وشاقة وجاءت بعد معاناة ومكابدة .
اسأل نفسك وجاوب
أنا في الحقيقة لم أعرف حتى الآن من هذه التي " اختليت " بها
لقد ظن بك القراء الظنون .. فأرح نفوسهم واجعلهم يشاركونك هذه الخلوة البريئة .
بسم الله الرحمن الرحيم
بعد الكثير من الجدل وسوء الفهم ، أحببت أن أوضح حقيقة مقصدي من هذا البوست
في ليلة قمرية هادئة عشت فيها مع صوت " موسى مصطفى " الملائكي في أنشودته الرومانسية " لو تسمعي " ، فخطرت على بالي فكرة هذا البوست فكتبت جزءاً منه ، وهو عبارة عن مقال أدبي تخيلي بسيط بيني وبين زوجة المستقبل – إن كتب لنا أو علينا المولى الزواج - كالتقاء أرواح قبل أن يشاء سبحانه و تلتقي الأجساد بإذنه تعالى
و كعادة أي موضوع أدبي أحببت أن اترك النهاية مفتوحة لخيال القارئ بأكثر من معنى ، فاخترت بعد كتابة كل ما خطر ببالي من كلمات وأحاسيس ومشاعر أن اختمه بخاتمة مرحة خفيفة الظل ، فاخترت التفاحة كرمز وقلت اللهم لك الحمد على هذه التفاحة ، فظن البعض أنى اقصد التفاحة الفاكهة ولكني أردفت بالقول " إنها تفاحة حياتي" ، ولا يعقل أن تكون تفاحة الحياة عبارة عن تفاحة فاكهه – مثله مثل أن تقول إنها قمر حياتي أو فاكهه حياتي - وخلافه
وللعلم فقد اخترت العيد كمناسبة لطيفة لوضع هذا البوست على صفحات هذه المدونة البسيطة
أرجو أن تكون قد وضحت الصورة وان الموضوع لا يعدوا كونه موضوع أدبي عن خلوة أرواح مُحبة ببعضها البعض
جزى الله خيراً كل ما شاركني بالتعليق
دمتم بخير سالمين
زوجة المستقبل..
مانتاش ناااافع !
سبحان الله
ظننت انك تتحدث عن الجنه فلم انتبه للعنوان
--------
ثانيا انى احب الاستاذ حمدى رضوان فى الله
عندما اراه اشعر وكانى انظر الى رجل من اهل الجنه فحمد الله على سلامته وجعل الله هذا الامر فى ميزان حسناته
=========
ثالثا
مبارك لخال حضرتك
وبارك الله لهما وبارك عليهما وجمع بينهما فى خير
phentermine withdrawal symptoms buy phentermine hcl - buy phentermine online free
إرسال تعليق
<< Home