مدونــة البحـــر

الخميس، 30 أكتوبر، 2008

تاكسي و بي ام دبليو

كان واقفاً أمام مستشفيات جامعة طنطا يشير لأي تاكسي يمر ، ظل يشير و يشير دون استجابة



نظرت إليه حائراً و أعدت النظر كرتين فانقلب إلى بصري اكثر حيرة و هو حزين

أهوَ هوَ .. نعم .. انه هو

الدكتور .. خيري إبراهيم .. أستاذ الأدب الإنجليزي – دكتوراه من بريطانيا - ، والذي درسنا في سنة أولى طب ، وكذلك يدرس في كليات أخرى كـ .. صيدلة و أسنان وعلوم في جامعة طنطا ، وهو من اكبر الدكاترة سناً وعلماً

ذهبت إليه مُسلماً عليه و مُعرفاً بنفسي .. رحب بي كثيراً وسُـر لذلك

سألته مستعلماً عن وجهته لأوقف له تاكسي ، رفض وشكرني جداً

تركته في أمان الله وأنا في غاية الأسى والحزن

قفزت إلى ذهني حينها صورة للصغير " سعد الصغير " بين سياراته المختلفة من كورولا و ميتسوبيشي و بي أم دبلو
..
..
وجملته المستفزة في حواره مع صحيفة الدستور ، عندما سُـئل عن سبب انتشاره على الساحة الفنية وفي الأفراح والحفلات عامة قال – فض الله فوه – : عشان أنا اقرب المطربين للناس ، كما أني من اقل المطربين أجراً ، باخد 8000 جنيه بس في الفرح الواحد .. وحط ميييييت ألف خط تحت كلمة بس

مطرب صغير سخيف يرتع ويتمتع
بينما أستاذ الجامعة الشريف يعاني ويمنع

للأسف .. هيا دي مصر يا عبلة

هذه هي مصر الآن

**********
بغض النظر أن الدكتور يملك سيارة أو لا ، أو أن الدكتور لا يفضل قيادة السيارة بنفسه ، فمن المفترض من جامعة محترمة أن تخصص سيارة بسائق خاص لكل أستاذ جامعة وصل في العلم إلى قمته و وصل من العمر أرذله ... الله المستعان

التدوينة القادمة ... مصـري و أفتخـر
posted by أحمد سعيد بسيوني at 12:06 ص

20 Comments:

ساعة ماشفتك اون لاين
قلت مش هروّح الا اما اكون اول تعليق
اشمعني انت

هفكرك بجملة كتبتهت زمان

لقد أصبح الفرق في مصر بين من يملك المال ومن يملك العلم أن الاول يمتلك سياره فاخرة...أما الثاني فهو الذي يمسحها له

30 أكتوبر، 2008 12:42 ص  

كنت هكون اول تعليق
بس معلش
الايميل بيوصل متاخر على الجروب
موضوع ضحكنى اسمه
لكن جواه لما قريته
زعلت
معلش مين عند ربنا احسن؟ ده السؤال
لفته جميله انك توريها لينا
وياريت كلنا نكون عندنا وفاء لمعلمينا

30 أكتوبر، 2008 12:50 ص  

فعلا يا احمد عنك حق هى دى مصر بس مش مهم الفرد عايش حياته فى دنيته ازاى المهم هيعشها فى اخرته ازاى
اخوك محمد

30 أكتوبر، 2008 1:58 ص  

والله ياحمد انت محترم اوي

طيب بس هما يدلهم مرتبات عدلة على الاقل

على الاقل يساووهم بالقضاة
يبقى استاذ جامعة وواقف جنبه تلميذ من تلامذته وكيل نيابة بيربو قطر

التلميذ بيركب الدرجة الاولى المكيفة
على حساب الحكومة
كل ماخنالك انه بيطلع الكارنيه بس

اما الاستاذ فيطلع عين تاللي خليفوه وبركب في المميز ويتشحن مع الزحمو

عشان المرتب مش بيكفي

لنا الله

30 أكتوبر، 2008 2:19 ص  

عادي جدا ...
مصر الآن ليست بلدا للشرفاء ...

30 أكتوبر، 2008 10:39 ص  

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

30 أكتوبر، 2008 1:34 م  

والله يا أخي إن أمر الفنانين لمحير
رأيت في أحد البرامج مطرباما ...وبصراحه لا أذكر إسمه وقال بغرور أن أجره ((مليون ومائتين)
تخيل!!
حتى يغني ويتمايل وتميل معه قلوب البنات وتطير بكلماته عقول الشباب يدفع له الآلاف حتى تكسر المليون
والعلماء الأفاضل ليس معهم مايغنيهم

نسأل الله أن يصلح مصرنا
وأن يبارك في أستاذك الذي رأيته وأن يجزيه خيرا ويوسع رزقه ويرزقه من حيث لا يحتسب

30 أكتوبر، 2008 2:08 م  

السلام عليكم يا د.احمد من كتير وانا مش بكتب تعليق علي موضوعاتك الجميله بس ظروف والله هقولك علي شئ موضوعك ده ان دل انما يدل علي اننا في مصر العزيزه ان محصلش ده يبقي اكيد مش في مصر لسه حاصل موقف قدام عينيا بيقول انه خلاص علي الدنيا السلام وانه بجد طظ في كل الشهادات الموقف هو انه واحد دبلوم تجاره عشان ليه واسطه جامده موت اتعين في وظيفه براتب 800 جنيه شهري غير المكافات وايش عجب ماهو قريب الوزير وفي نفس الوقت قريبتي دكتوره وكمان نائبه عنايه مركزه بتاخد 200 جنيه مرتب اساسي والحوافز قول مثلا 100 جنيه او 150 فلا تعجب لما يدور حولنا انها الدنيا ونحن لا نريدها نريد الاخره وهي الياقيه ان شاء الله اللهم ارزقنا الجنه والصبر علي الدنيا وما فيها

30 أكتوبر، 2008 5:31 م  

برافو ياامير البحر

30 أكتوبر، 2008 5:50 م  

بسم الله الرحمن الرحيم
الحمد لله على كل حال ونعوذ بالله من حال أهل النار .اللهم لا تجعل الدنيا اكبر همنا ولا مبلغ علمنا
والله انى اتمنى العلم على المال ولو طال بى العمر وعظم القدرولا احزن لان هذا هو حال العلماء
الا انى لا انكر عدم احترام العلم واهله فى مصر ليس ماديا فقط ولكن ..........

30 أكتوبر، 2008 9:17 م  

وبالمناسبه سعد الصغير عنده سياره هامر غيرة من عمرو دياب

30 أكتوبر، 2008 9:18 م  

مدونة أكثر من رائعة


الحقيقة المدونة عجبتني جدا وشكلي مش هخرج منها

ربنا يكرمكم


ودمتم ذخرا للبلاد والعباد

رفيدة

30 أكتوبر، 2008 11:22 م  

يارك الله فيك اخى احمد
يقول رسول الله صلى الله عليه وسلم اذا ضيعت الامانة فانتظر الساعة قالوا وما ضياعها قال اذا وسد الامر الي غير اهله فانتظر الساعة صدق رسول الله صلى الله عليه وسلم
تقبل تحياتي وجزيتم خيرا

حلم كبير

31 أكتوبر، 2008 7:48 م  

كتير من المواقف دى دلوقتى بنسمعها ونشوفها كتير
لكن بقى لما تحصل امامك وتعيشها مع حد فعلا بتحترمه ويعز عليك
اكيد بيزيد احساس القهر اللى على طول بقينا حسينه
كل مجال دلوقتى فى مصر حاله مقلوب
وماشى بالعكس

بجد انا مش عارفه هو السبب احنا ولا هم
والعلاج فى ايدينا احنا ولا فى ايدهم هم

بجد مش عارفه

1 نوفمبر، 2008 12:02 ص  

المشكلة مش كده

المشكلة

مين عبلة دى ؟؟؟؟؟؟؟؟؟

!!!!!!!!!!!!!!!!

2 نوفمبر، 2008 2:52 م  

والله عند حضرتك حق
هكذا يهان العلماء ويحترم الععرابده
ورجال الفن كما يسمونهم

2 نوفمبر، 2008 3:13 م  

أحمد بسام

بارك الله فيك .. ذكرتني بالاستاذ الدكتور نظمي يونس والذي كان أستاذاً لي في كلية الطب وكان كالذي تقول جمع بين كبر السن والمقام والعلم ..

كان يركب سيارة قديمة نصر 128 يبدو عليها الارهاق بينما يركب تلامذته السيارات الفارهة من المرسيدس والفولفو .

رحم الله نظمي يونس رحمة واسعة
كان عابداً في ممارسة الطب أفضل من كثير من العابدين في محاريب المساجد وعلى منابر الجوامع .

قريباً ستجد في "بلاوطن" بوست عن نظمي يونس .. وسيكون إهداؤه إليك يا دكتور المستقبل .. حفظك الله وجعلك مثل هؤلاء...

2 نوفمبر، 2008 10:45 م  

عشان كدة وعشان الاكتر من كدة نحن اصبحان من ارقى الدول ؟!!
عجبى
احنا بنرفع الشهوات وندنى العلم والعلماء
قارن بين ما تملك دينا او حتى مثيلاتها وبين ما يملكة اى عالم محترم من مال وشهرة ؟؟؟
لاحول ولا قوة الا بالله
ابتسم انت فى مصر

3 نوفمبر، 2008 1:35 م  

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

3 نوفمبر، 2008 1:35 م  

السلام عليكم
يشرفني يا دكتور ان يكون ده اول تعليق ليا هنا...المدونة دي بتحكي حاجات كتير قوي في بلدنا ...و معاني غريبة مقلوبة بنشوفها للاسف كل يوم....مش بايدي غير اقول اني على امل ان الحال يتصلح من تاني بس عارفه انه حيكون على ايد ناس يارب يكونو من جيلنا عندهم المبادئ الكويسة هي اساسهم....و دكتور احمد بجد مدونه جامدة جدا خصوصا اني من عشاق دكتور فخري...تحياتي

7 نوفمبر، 2008 1:21 ص  

إرسال تعليق

Links to this post:

إنشاء رابط

<< Home