مدونــة البحـــر

السبت، ٨ أغسطس ٢٠٠٩

وهكذا يستمر الخير .. مشهد مصور

بسم الله الرحمن الرحيم

التدوينة السابقة كانت بعنوان .. تجربتان ثريتان 1 .. قم وجرب


أما عن هذه التدوينة فهي تعتبر كـ "مُـقـدمة" للتدوينة القادمة والتي ستكون تحت عنوان .. تجربتان ثريتان 2 .. قم وجرب


""
وهكذا يستمر الخير
""


مشهدين تمثليين .. لفرقة "شباب بجد" الفنية

الزبون : عبدالرحمن حسب الله
الجرسون : احمد صالح
سيناريو وإخراج : احمد سعيد بسيوني
.
.
مشهد واحد .. لينك اليوتيوب هنا
.
.
مشهد اثنين .. لينك اليوتيوب هنا

نص مشهدي مسرحية .. وهكذا يستمر الخير

مع تحيات .. فرقة "شباب بجد" الفنية

مشهد واحد


الجرسون : مساء الخير يا فندم .. حضرتك تأمر بحاجة


الزبون : مساء النور .. أهلا بيك .. حضرتك الجرسون ولا الطباخ ولا بتشتغل إيه هنا


الجرسون : يعني يا فندم .. بأتعلم


الزبون : عندكم أكل كويس .. أكل كويس يعني


الجرسون : أه طبعا


الزبون : عندكم ممبار


الجرسون : في ممبار


الزبون : شوية ممبار كده .. بس على ذوقك يعني


الجرسون : حاضر يا فندم


الزبون : عندكم حمام محشي .. محشي رز كويس


الجرسون : ايوة يا فندم في حمام محشي ، وفي فريك كمان


الزبون : خلاص هات واحدة محشية رز و واحدة فريك


الجرسون : حاضر يا فندم


الزبون : عندكم محاشي


الجرسون : ايوة عندنا يا فندم


الزبون : محشي كرمب ولا ورق عنب


الجرسون : في كل المحاشي يا فندم


الزبون : خلاص هات شوية كرمب على شوية ورق عنب ولو في بتنجان ياريت


الجرسون : هو حضرتك في حد معاك


الزبون : لا لوحدي


الجرسون : حاجة تانية يا فندم


الزبون : عندكم كباب


الجرسون : في كباب يا فندم


الزبون : نص كيلو كباب ومعاه الطحينة بتاعته الله يكرمك


الجرسون : تحت أمرك يا فندم


الزبون : عندكم لحمة راس


الجرسون : في لحمة راس


الزبون : في لحمة راس .. والله في لحمة راس


الجرسون : ايوة في يا فندم


الزبون : هات شوية لحمة راس ، نص كيلو كده ولا حاجة


الجرسون : حضرتك تأمر بحاجة تانية


الزبون : لا كفاية ، مانا لسه هأتعشى في البيت


الجرسون : ماشي يا فندم


الزبون : ماتتأخرش علي الله يكرمك




مشهد اثنين


الزبون : الحمدلله الحمدلله ، مطعم هايل فعلاً


الجرسون : إن شاء الله الأكل يكون عجبك يا فندم


الزبون : هو مطعم هايل فعلا ، بس في مشكلة كده ، مش عارف الفلوس راحت فين ، مش لاقيها


الجرسون : لا حضرتك ، ما الأستاذ اللي كان قاعد يتغدي جنبك دفع لحضرتك الحساب


الزبون : أستاذ مين


الجرسون : الأستاذ اللي كان بيتغدى جنب حضرتك هنا ، شاف حضرتك مرتبك كده وبتدور على الفلوس ومش ملاقيها ، قام دافع لك الحساب ومشى


الزبون : طب أنا هأقدر أقابله أزاي ولا أوصله فلوسه أزاي


الجرسون : ده هو بيقول لحضرتك انك ممكن تردله الفلوس بتاعته بإنك تساعد واحد في نفس موقفك كده في مكان تاني


الزبون : جزاه الله خيرا


الجرسون : وهكذا يستمر الخير


الزبون : وهكذا يستمر الخير



بإنتظار معرفة آرائكم

posted by أحمد سعيد بسيوني at ١:٥٩ ص

6 Comments:

طبعا المشهد حلو قوى بس المهم انه يردالخير ده فعلا و الاهم انه يرده لحد يستاهل فعلا و يكون مرتبك حقيقى مش كده و كده
الفكره واضحه ووصلت فعلا و يارب نهر الخير و العطاء يفضل يجرى دايما
و كل عام و انت بخير

٨ أغسطس ٢٠٠٩ في ٨:٢٨ ص  

ممتاز اللهم بارك
لو تسمح لنا ناخد الفكره ونحرفها شويه بحيث تنفع الزهروات يبقى جزيت خيرا
عجبنى المعنى اللى وصل فى الاخر
ممتاااااااااز
دمتم مبدعين

٨ أغسطس ٢٠٠٩ في ٤:١١ م  

السلام عليكم....
ماشاء الله تبارك الله ...
سيناريو جميل ...
...
دمت في إبداع بطاعة الله..

٨ أغسطس ٢٠٠٩ في ١١:٣٦ م  

مشهد جميل جداً
وفكرة روعة

تسلم دماغك

٩ أغسطس ٢٠٠٩ في ٨:١٤ م  

هههههههه
بسيوني
حلوة والله وجميلة

ولما تنزل المحلة تاني مرة تبقى تقطع كارتة

١٤ أغسطس ٢٠٠٩ في ٢:٠٤ ص  

How to play Blackjack for free - DRMCD
You can play blackjack for 성남 출장안마 free, 광주광역 출장안마 you 대구광역 출장안마 can win real 계룡 출장안마 money and win big! There's nothing 안양 출장안마 like playing on blackjack games, like casino games and poker.

٤ مارس ٢٠٢٢ في ٨:٠٣ ص  

إرسال تعليق

<< Home