مدونــة البحـــر

السبت، ٤ أبريل ٢٠٠٩

خفايا و أسرار


جاءني أحد الزملاء من الفرقة الرابعة ، من أعضاء أسرتنا في الكلية "أسرة الرأي" ، واخبرني بأنه أحد المسئولين عن حفلة "الختام والتكريم" ، والتي تقيمها الأسرة كل عام لأعضائها المتخرجين ممن هم في عامهم الدراسي الأخير ، وطلب مني أن اكتب له عن زملائنا المتخرجين وعن مواقفهم وخفاياهم و أسرارهم ، بحيث تُعرض كفقرة في الحفلة الختامية ، و أكد لي على انه لن يذكر اسمي كـكاتب لهذه الصفحات

تمت الحفلة وكانت في غاية الجمال ، وقد فوجئ الزملاء بالفقرة ، وبقصصهم ومواقفهم الطريفة وقد أصبحت علاناً يعلمه الجميع

بعد انتهاء الحفلة طلبت من الزميل "صفحاتي" ، و ها أنا اعرضها عليكم في هذه التدوينة كـ نوع من إثارة البهجة والمرح بعد فترة تدوين جادة ، و كنت قد كتبت هذه الفقرة على شكل عناوين أخبار موجزة وقصيرة ، وطبعاً مع عدم ذكر أي أسماء –وان كان كل واحد عارف نفسه كويس- ، وهذه الأخبار صادقة والمواقف حقيقية وان كنت قد أضفت في بعض ٍ منها قليلاً من المبالغة الطريفة ، ويعلم الله مدى حبي وتقديري وافتخاري بإخواني و زملائي


كتبتها تحت عنوان "خفايا و أسرار .. تنشر لأول مرة " -وربما لن تكون الأخيرة- ، وهذه مقتطفات مما كتبت ، وهناك غيرها الكثير مما "لا يصح" نشرها

أول إخواني الأعزاء

** يُطلق عليه إخوان دفعته "عاشق المايك والكاميرا" ، لحبه الكبير لإلقاء الكلمات في السكاشن والراوندات ، ولعشقه للتصوير الدائم حتى و إن كان نائماً

** عندما كان رائداً للراوند كان يُلقي بالأربع كلمات في اليوم الواحد ، حتى انه أقيل من منصبه بأمر من رئيس القسم

** دائم الخلاف مع والده ، مما يؤدي إلى طرده من البيت ، و يأتي ذلك على حساب إخوان دفعته بتطفله عليهم و"بياته" عندهم

** يحلم بأن يصبح غني ، وبأن يتزوج بـ "واحدة" جميلة

** كان مع بعض الزملاء في رحلة مشي ، وعندما "نرفزوه وضايقوه" عزرهم بتسلق بعض الأشجار و أكل أوراقها
.
** له علاقات تليفونية متينة بأمهات زملائه ،عشان كده بيتعزم كتير عندهم

أما عن ثاني الأحباب

** عندهم "مَنحل" كبير ، ورغم ذلك لم ير منه إخوان دفعته ولا ملعقة عسل واحدة

** يدعي بأن إخوانه في البلد بيعرضوا عليه كل يوم "عروسه شكل" ، ولكنه بيرفض

** لو نام أنسى انك تعرف تصحيه ، حتى أطلق عليه زملائه لفظ
prolonged recumpancy

** ذهب إلى الكلية يوماً بالشبشب ، بسبب تعذر عثوره على جزمته

** حاصل على لقب "التمساح" ، بعد فوزه بإحدى دورات " فيفا 2005 "، والتي كان يقيمها مع إخوانه

أما عن ثالث الغاليين

** كان يعتز بشاربه جداً ويرفض حلقه ، حتى قالت له إحدى الزميلات يوماً “good luck” ، فوجئنا به بعد أيام وقد قص شاربه ، وبدأ يلبس كاجوال


أما رابعهم

** زاره إخوانه يوماً ، وباتوا عنده ليلة "مالهاش ملامح" كما أطلقوا عليها ، فقد منع عنهم الماء والشاي والطعام ، مما دعا أحدهم إلى سؤاله "هو إحنا قاعدين في بنزيمه ولا أية" ، حتى انه عندما دخل أحد الاخوة عندهم الحمام "أطفأ" عليه النور
.
** مستواه الكروي على "أده" ، وقد انفرد بالمرمى ذات مرة و وضع الكرة خارجه ، فصاح به حارس الخصم : والله حرام عليك ، هي دي كرة تضيع

** بيقبض فلوس "رز" من المسابقات اللي بيخشها ، ورغم كده مابنشفش من وشه حاجة

** زار ابنة إحدى قريباته في المستشفى ، فماتت بعدها بيوم

** بصمجي كبير ، يحصل على تقديرات عالية كل عام ، وان كان قد "شال" مادة الحاسب في سنة أولى ، فقد كان كتاب الحاسب باللغة العربية ، و أتت أسئلة الامتحان بالإنجليزي ، فلم يجاوب على سؤال الـ mother board برغم انه مذاكر درس "اللوحة الأم" كويس جداً


هذا قليل من كثير ، وغيض من فيض من قصص و أخبار إخواني وأحبائي ، و كنت قد فكرت في أن أكتب كتاباً عن "مثل هذه مواقف" –وش بيغمز- ، ولا أية رأيكم؟؟

ملحوظة : "أي حد هيخش يكتب عني أي موقف كده ولا كده ، هيبقى حسابه عسير ، لأن البوست الجاي كله هاخصصهله"

إخواني وأصدقائي وزملائي
...
..
.
إني احبكم في الله

posted by أحمد سعيد بسيوني at ٥:٣٣ م

22 Comments:

ههههههههههههههههههههه

طبعا مش هاقول انا مين فيهم ورجاءا لكل اللى هيدخلوا يخلو الطابق مستور

ضحكت كتييييييييييييييير بجد ربنا يكرمك

٤ أبريل ٢٠٠٩ ٦:٢٣ م  

كان يعتز بشاربه جداً ويرفض حلقه ، حتى قالت له إحدى الزميلات يوماً “good luck” ، فوجئنا به بعد أيام وقد قص شاربه ، وبدأ يلبس كاجوال

ما فهمتهاش دي (: ؟

٤ أبريل ٢٠٠٩ ٦:٥٦ م  

اضحك الله سنك,اضحكتني (:
ربنا يرزقكم باكله حلوة عند اللي ما طلش اصحابه منه حتى الشاي,
وربنا يرزقكم بعسل هدية من صاحب المنحل,(وربنا يرزقهم الكرم),
ويهدي صاحبكم اللي مشاكله بتيجي على دماغ اصحابه (:
اما بقى ابو شنب محلوق,مش عارفه لو واحده قالتلوا اكتر من كده هيعمل ايه؟
الحمد لله انها جت على قد كده (:

٤ أبريل ٢٠٠٩ ٧:٢٤ م  

والله ضحكتينى

ربنا يكرمك

بس ايه الاخ اللى عذب الاخوه عنده ده

ليه كده بس


ربنا يوفقك يافندم ويوفقكم جميعا

٤ أبريل ٢٠٠٩ ٧:٥٨ م  

ربنا يعزكم ويرفع قدركم يارب
على قد ما ضحكت على اد ماحزنت ان كلها شهر وتنتهى الدراسه
ادام الله اخوتكم
وان شاء الله اراكم يوم القيامه اخوانا على سرر متقابلين

٤ أبريل ٢٠٠٩ ٨:٢٣ م  

هههههه
عجبني أوي الموقف بتاع الجون
ربنا يحفظك يا دكتور وكل عام وأنت بخير

٤ أبريل ٢٠٠٩ ٨:٣٨ م  

ههههههههههههههههه
هههههههههههههههههه
ههههههههههههههه
بوست زى العسل
يمكن علشان انا عارفهم كلهم
فى واحد بس مكنتش عارفه بس
عبد الباسط فضح نفسه
والحمد الله انا مليش قصة عندكم
هههههههههههههه
كويس انى نفدت من البوست ده ربنا يستر فى باقى بوستاتك يا احمد
بس كده تفضح الناس

٤ أبريل ٢٠٠٩ ٩:٢١ م  

ايه الحلاوه دي

طول عمرنا واحنا دفعة مواهب

بس اظاهر عليا فهمي تقيل شويه ... أنا معرفتش منهم غير واحد

حلق شنبه ولبس كاجوال؟؟

هيا GOOD LUCK بقت شتيمه ولا ايه؟؟؟

ههههههههههههههههههههههههههههههه

٤ أبريل ٢٠٠٩ ١١:٢٧ م  

هههههههههه

جاااااامد جدا

يعني هم مرضوش يقولوا ان انت اللي مديهم المعلومات دي

وانت حاططها كده

عايزينها بالأسماء بقى :)

٤ أبريل ٢٠٠٩ ١١:٥٧ م  

أحمد سعيد بسيونى
ليتك تزورنى كلما زرت الإسكندرية.. بالذات لو كان عمر معك.تليفونى.0105059600

٦ أبريل ٢٠٠٩ ٦:٤٦ ص  

ممتازة اوي المواقف دي
وحلاوتها بتبقى وقت حدوثها
تقبل مروري

٦ أبريل ٢٠٠٩ ١:٢١ م  

ههههههههههههههههههههههههه
ربنا يبارك فيكم يارب ويخليكم لبعض
بس بالذمة ما اتعرفوش على طول ؟؟؟
يلا كل عام وانتم بخير
تحياتي

٦ أبريل ٢٠٠٩ ٤:٢٦ م  

السلام عليكم
أضحك الله سنك أخى
جزاك الله خيرا على شوية الترفيه المحترم ده
بارك الله فيك و فى إخوانك

٧ أبريل ٢٠٠٩ ١٢:٤١ ص  

هاهاهاها

أضحك الله سنك يا دكتور


كويس إن الواحد مش معاكم فى الدفعة !!!

٧ أبريل ٢٠٠٩ ١:٠٣ م  

شكراً د/ أحمد
على المقطفات الطريفة ..
وواضح يادكتور إنك مشخص الحالات جيداً

تقبل مرورى وتقديرى واحترامى
بارك الله فيك واعزك
اخوك
محمد

٧ أبريل ٢٠٠٩ ١:١٣ م  

السلام عليكم ورحمة الله وبركاته..
أضحك الله سنك..
......
ذكريات جميله...
وفقكم الله ..
..
دمت بخير

٧ أبريل ٢٠٠٩ ١١:٢٩ م  

ههههههههههههه
دى مش بقت خفايا بقى يا دكتور دى بقيت اخبار متاحة للكل
بس مش كنت تستر عليهم برده
ههههههههه
ذكريات جميلة تبقى فى الذاكرة الى الابد
ربنا يسعدك ويسعد كل اوقاتك يارب

تحياتى
يويو

٨ أبريل ٢٠٠٩ ١٢:٣٧ م  

ههههههههههههههههههههههههههههههههههههههههههههه
وانت الصادق لو حد ينفع يتكتب فيه كتاب يبقى انت
ده لو اي حد كتب فيك مش هيقضيه كتاب
بس بصراحه انا فطست من الضحك
موضوع رائع

تحياتي

٩ أبريل ٢٠٠٩ ١٢:٢٨ م  

ههههههههههههههههه
طب يربط طيب بين الام وmother
ربنا يديم محبتكم وأخوتكم

٩ أبريل ٢٠٠٩ ٢:٤٧ م  

بسم الله

إخواني و أستاذتي الأعزاء

جزاكم الله كل خير على هذه الزيارة الطيبة والتعليق

حقاً لقد أسعدتني إطلالتكم جداً

دمتم بكل خير

٩ أبريل ٢٠٠٩ ٦:٤١ م  

يرزقكم بعسل هدية من صاحب المنحل,(وربنا يرزقهم الكرم),
ويهدي صاحبكم اللي مشاكله بتيجي على دماغ اصحابه (:
اما بقى ابو شنب محلوق

منتديات موقع الغالي

http://www.alqaly.com/vb

دردشة شات الغالي جات

http://www.alqaly.com

١٢ أبريل ٢٠٠٩ ١:٥٣ م  

جامد يا بيسو
انا الحوت

١٦ أبريل ٢٠٠٩ ٤:٠٠ م  

إرسال تعليق

Links to this post:

إنشاء رابط

<< Home