مدونــة البحـــر
السبت، ٢٠ يونيو ٢٠٠٩
وش و قعر
كنا جلوساً عند أحد الأصدقاء الأعزاء ، كنا أربعة ، الجميع يكبُرني في السن ، و الكل متزوج ... فيما عداي طبعاً
وبمبادرة مني فتحت موضوع الزواج للحديث فيه ، ولكني فوجئت بردود الأفعال
قال أولهم : يا عم عيشلك حياتك قبل ما تتـقيد بدري ، مافيش احسن من حياة العزوبية والله
و ثانيهم : عملوا اية المتجوزين يعني ، غير الهم والغم و وجع الدماغ
وثالثهم : يا عم أنت بتحب تخرج كتير وتطلع وتنزل وتتفسح ، خليك كده أريح لك ، وماتفكرش في الموضوع ده إلا بعد ما تزهق وتعوز تستقر بقى
الرابع – والذي كنا جلوساً في بيته - : اسكت احسنلك ، أنا مش هاتكلم ، الحيطان لها ودان
كانت ردودهم غاية في الغرابة ، لأني اعرف معظم زوجاتهن ، وهن من النساء الفضليات
أردف أحدهم قائلاً : بص ، الزوجة دي عاملة زي الحلة ، لها " وش " و " قعر " ، أول كام يوم كده من جوازك هتاخد منها " وش " حلو ، ولكن بعد أيام هتوصل للـ" قعر " ، والله اعلم ممكن تلاقيه قعر اسود وتبقى أيامك كلها بنفس اللون
تابع آخر الحديث – وهو ممن مَنَ الله عليهم بزوجة صالحة - وقال : الحمدلله أنا بقالي متجوز " 12 " سنة ، وما شفتش من مراتي غير كله " وش في وش " ، وان شاء الله تفضل " وش " كده على طول
تمتمت في نفسي : الطيبات للطيبين ، و اظفر بذات الـ" وش " .. { دين و أخلاق ، حسب ونسب ، جمال ومال } .. تربت يداك
*****
زدنا ملعقة .. اضغط هنا
9 Comments:
بسم الله
ارزقنا -يارب- وكل الزملاء العزاب
"
وش في وش
"
آميييين
يارب آمين
بس الرجاله برضه وش وقعر مش بس النساء.
السلام عليكم
فعلا الطيبون للطيبات
ربنا يرزقنا زوجة صالحة ومن بعدها ذرية صالحة
تحياتى
طيب
يا لا يا مولانا
شد حيللك
و ورينا همتك
يا
...
...
وش
هههههههههههههههههههه
هههههههههههههههههههه
هههههههههههههههههههه
هههههههههههههههههههه
اللهم ءامين يا سيدي
بس كده
اظفر بذات الدين تربت يداك ..
ولا أظن هناك تعارض بين
الزواج والخروج مع الأصحاب ..
تحياتي
وربنا يرزقك ال "وش" اللي تتمناه
السلام عليكم ورحمة الله وبركاتة
اولا
انا زوجة
ومش هدافع عن الزوجات
لكن هقولك نصيحة اتقالت من زمان
كن لها على
لتكون لك فاطمة
او كن لها عبدا لتكن لك امة
ودا حقيقى وفعلى وبجد
مش مجرد كلام
دمت بالف خير ورزقك الله الزوجة الصالحة
ابوحميد كيف حالك.
وش ووش ان شاء الله
اللى بيختار على الجمال وينسى الدين فالجمال بيطير في فترة بسيطة ويبدأ يظهر الدين اللى هوا مفكرش فيه.
أما اللى بيظفر بذات الدين ده ان شاء الله لن يرى إلا كل مايرضيه.
ب حلوة حكاية الخرطوم اللى بتقول عليه الأخت صانعة الحرية، الواحد وهوا بيجهز الفرش يحط معاه فلكة أو خرزانة عشان الناس اللى مبتحبش الخرطوم :D
ربنا يهدي المسلمين
: )
رزقك الله بالزوجة الصالحة .. اللهم آمين
إرسال تعليق
<< Home