مدونــة البحـــر

الأحد، 10 مايو، 2009

ارسم ابتسامة 3




ارسم ابتسامة 1 .. ارسم ابتسامة 2


وهذه هي الثالثة ، وقد اخترنا موضوعها ، وهو .. الأطفال الصغار


كما تعودنا فان كل هذه الطرائف حقيقية ، ونرجو منكم مشاركتنا بطرائفكم في الموضوع نفسه


يجع بيتنا بالكثير من الأطفال فمن همس /3 سنوات ، إلى هبة /6 ، إلى ولاء /9 ، إلى البراء /11 ، و بالتالي فالطرائف والمواقف المضحكة في بيتنا كثيرة ، وهذا بعضاً منها



***

اعتدت كلما خرجت من البيت وغبت وقتاً طويلاً أن أعود وفي يدي بعضاً من "الحاجة الحلوة" للأطفال الصغار


ذات يوم فوجئت بـ هبة .. وأنا خارج .. لها طلبات


- خير يا هبة


- عاوزه عشرة بسكوت شمعدان وكرتونة شيبسي ونص كيلو لبن


- ليه كل ده


- عشان أنا رايحة المدرسة بكرة ، وعاوزه أزبط نفسي
!!!


***

البراء ، لعيب فيفا محترف ، كان بيلعب مع اخوة الأكبر ذات يوم على الكمبيوتر


ومن صفة لعب البراء "التكسير الجامح" في جميع أرجاء الملعب مادام منتصراً ، وهو ما يغيظ الخصم ويثيره


صاح به أخوه : ما تلعب حلو ياله ، كرستيانو اتصاب ومش عارف يمشي من تكسيرك


رد براء ، بكل بجاحة ، وبلغة عربية فصحى : فليتم تغييره



***

هبة –طالبة الصف الأول ابتدائي- ، كانت في المدرسة يوماً من الأيام ، وعندما عادت قصت علينا واقعة حصلت معها في الفصل .. تقول


زميلي فلان لقيته بيقولي : معاكي براية


قلته : مامعياش


قالي : معقولة واحدة زي القمر زيك ، وممعهاش براية


هبة كانت بتحكي الموقف على الغداء ، بعد لحظات .. لاحظنا أن براء قاعد زعلان ومتضايق


سألناه : خير يا بابا ، أنت زعلان عشان أختك اتعاكست ، وأنت معاها في نفس المدرسة ومش عارف تعملها حاجة


قال : لا ، أنا زعلان إن الواد ده في أولى ابتدائي وبيعرف يعاكس ، وأنا في ستة ابتدائي ولسه مابعرفش أعاكس
..
.
بانتظار مشاركاتكم


***

هناك الجديد دوماً على .. سطر واحد



***

بوست الخميس القادم .. مختلف

ان شاء الله تعالى

posted by أحمد سعيد بسيوني at 8:44 م

13 Comments:

(:
اضحك الله سنك,
اجملها قصة براء مع معاكسة اخته (:
بارك الله لكم فيهم جميعا.

10 مايو، 2009 9:11 م  

ماشاء الله شكل البراء ده واد عسل اوي
اما عن المواقف
نور الدين دا بقي كتله شقاوه هو سنه ونص بس بجد عفريت
ابقي بذاكر ف الاوضه بتاعتي وخرجت يجري عليها عشان ياخد قلمي الرصاص
طريقه الجري وكمان اول ما يشوفني رجعت ويعود يقولي هاح يعني ف لغته انه غلط ويقعد يضحگ حاجه سكر المواقف كتير بس ده اعرف اترجمه

10 مايو، 2009 9:49 م  

هههههههههههههههههه
هههههههههههههههههه

والله دي عيال زي العسل
طيب ما تعلموه يا يعاكس يا جماعة
هههههههههههههههههههه
ونعم الشباب والنخوة فعلاً
ههههههههههههههههههه

10 مايو، 2009 10:23 م  

السلام عليكم و رحمة الله و بركاته
و الله جميلة و خصوصا براء اللى مش عارف يعاكس ...مش تعلمه..
بارك الله فيك

11 مايو، 2009 12:55 ص  

السلام عليكم

ههههههههههههههه
حلو البوست ده

مش عارف يا دكتور تنقل اى خبرات كده لبراء

ما صحيح عنده حق يزعل
بصراحة انت مقصر معاه خالص

بوست جميل وتقبل تحياتى

11 مايو، 2009 1:01 م  

بسم الله الرحمن الرحيم
بوست جميل أوى يا دكتور..
أحلى حاجة في الدنيا إبتسامة الأطفال و سذاجتهم البريئة ..
بارك الله لك فيهم ..
تحياتى

11 مايو، 2009 1:32 م  

تسلم ايدك يا بو حميد على البوست الجامد دة بس على فكرة اخوع بتاع الفيفا اللى بيكسر مش بيفكرك بواحد صاحبنا كان بيلعب بريال مدريدوكان بيكسر كل اللعيبة *** على فكرة انا زعلان منك عشان كرستاينو دة بتاعى يا نصاب تحياتى لك دائما ,,,, الحووووووووووت

11 مايو، 2009 1:46 م  

السلام عليكم ورحمة الله وبركاته

د-احمد بجد بوست فوق الرائع وجميل جدا وربنا يكرمك ضحكتنا من قلوبنا.

جميلة جدا براءة الاطفال بتكون حاجة ممتعة كده لما تكون قاعد مع اطفال صغيرة بيعطيك احساس انك طفل.

"ياريت يا براء مش تتعلم خالص انك تعاكس بنات وربنا يهديك ومش تفكر فى الموضوع دا خالص"

شكرا د- احمد والى الامام دائما.

12 مايو، 2009 8:14 م  

ههههههههههههههه
صريح قوى براء .ربنا يبارك فيهم كلهم
تحياتى
تقبل مرورى

13 مايو، 2009 2:37 م  

السلام عليكم ورحمة الله وبركاته

البراء ده ولد هيبقي له شأن عظيم بعون الله وقوته

بجد ولد مشكلة

بارك الله فيكم وجعل ذلك في ميزان حسناتكم

المستقبل لهذا الدين

13 مايو، 2009 8:03 م  

السلام عليكم
ما شاء الله عليهم كلهم وربنا يبارك فيهم جميعا
جميلة مواقفهم المضحكة البريئه
اكتر حاجة بتسعدني في الدنيا الاطفال وابتسامتهم الرائعة لا حرمنا الله من هذه النعمة
تقبل تحياتي وتقديري

14 مايو، 2009 2:03 م  

السلام عليكم / تدوينة لذيذة أضحك الله سنك .

16 مايو، 2009 5:50 م  

بسم الله
صبر البراء وقول له فيه ناس وصلت سته كليه ومبتعرفش تعاكس
فليتم تغييره

22 مايو، 2009 12:13 ص  

إرسال تعليق

Links to this post:

إنشاء رابط

<< Home