مدونــة البحـــر

الثلاثاء، 21 أغسطس، 2007

التاج ... علينا حق

التاج ... علينا حق




بسم الله الرحمن الرحيم







جائني هذا التاج من صديقى صاحب مدونة قلب ابيض






والتاج - لمن لا يعرفه من غير المدونين - هو عبارة عن مجموعة اسئلة يرسلها لك مدون وبعد أن تجيب عنها ترسلها انت بدورك لمدون آخر ليجاوب عليها وهكذا






بسم الله ابدأ





من احب الشخصيات الى قلبك فى الدنيا ؟؟



من اليمن استاذي ومعلمي الأول الاستاذ عبدالرحمن عز الدين






وفي مصر الباشمهندس محمد



انسان مستعد تضحي يحياتك عشانه ؟



حبيب قلبي





محمد احمد البسيوني





اني احبكم في الله



انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك ؟



بصراحة هم كـُـثر



اولهم هنا في مصر المدعو رفعت السعيد




رئيس حزب التجمع الشيوعي



اكرهه بشدة ولكن لا أتمنى قتله ، فهو في الأول والأخير مسلم والله أعلم بالنوايا





بالإضافة لناس كتير من المسئوليين اللي تحس انهم ماعندهمش اي دين او وطنية او ضمير يردعهم عن كذبهم ونفاقهم وموالستهم للنظام الفاسد والهمجي






في كمان أشخاص أكرههم بشدة في فلسطين على رأسهم المدعو ابو مازن محمود عباس والعميل بامتياز محمد دحلان










فتى الامريكان والصهاينة الأول


الكلب ... وصديقه


يشهد الله اني ابغضهم في الله



أهم جهاز منزلي أنت متعلق بيه او بتستخدمه كتير؟



طبعا الكمبيوتر وهي دي محتاجة سؤال





إلا صحيح من اللي اخترع الكمبيوتر ده


شىء تحس بالراحة النفسية عندما تنظر اليه؟



السؤال لم يحدد هل هذا الشيء أشخاص ام كائنات ام مناظر او غيره




ولكني اشعر بالراحة النفسية عموماً عندما أرى صورة أحد مجاهدي فلسطين امثال الشيخ اسماعيل هنية والاستاذ خالد مشعل والدكتور محمود الزهار وغيره الكثير




اسد فلسطين .. الشيخ هنية



الدكتور محمود الزهار



رمز الجهاد .. الشيخ خالد مشعل



واشعر بالراحة عندما اكون أمام الكمبيوتر



واشعر بالراحة عندما أشوف الاهلي على التلفاز وهو فائز دائماً





واشعر بالراحة عندما اروح الكلية وعندما اذاكر كويس









وقبل هذا كله بالطبع أشعر بالراحة عندما أكون قريباً من الله تعالي وفي طاعة له سبحانه








مكان تحس فيه بالحنين الى شىء لا تدرى ماهو و ذكريات جارفة الى لاشىء؟






باختصار كل حته في مدينة تعز






منظر لمدينة تعز اليمنية .. من فوق أحد جبالها




اجمل مدينة زرتها داخل مصر؟





الاسكندرية بلا منازع




عروس البحر المتوسط







الاسكندرية .. من أجمل مدن العالم



شخصية كارتونية بتحبها؟



ماوكلي -الفتى الذئب - في كرتون مش فاكر اسمه ايه دلوقت








كنت بحب اتابع الكارتون ده جداً





أهم هدف انت واضعه لحياتك دلوقتى؟





الاجتهاد والتفوق في جميع المجالات المتاحة امامي







مواصفات فتاة الأحلام بالنسبة لك ؟



خمسة مواصفات






ملتزمة وجميلة ومثقفة و ودودة وذكية



قال رسول الله : " تزوجوا الودود الولود فأني مباهي بكم الأمم يوم القيامة " او كما قال عليه الصلاة والسلام



لون البطانية اللى بتتغطى بيها فى الشتاء؟





يعني اية بطانية




احساس يراودك فى اشارة مرور مغلقة بسبب مسئول كبير؟




اشعر بالضيق الشديد وبأبقى نفسي انط في كرشه وامسك في زمارة رقبته واقول له : الله يخرب بيتك زي ما انت خارب بيوت الألآف ، وده اللي راودني لما كان نظيف هنا في طنطا ولكن نصيبه ان يومها كان عندنا امتحان صحة عامة







مين أكتر 6 أشخاص بتحبهم ؟




طبعا بعد والدي ووالدتي واخواتي كلهم وبالذات الصغار






وبعد الشلة .. أحب



محمد محمد القيمة



توفيق رشدي



احمد مختار



محمد عبدالباسط






محمد قاسم العزب


سهيل سامي






معلش لازم ازود رائد ورأفت لانه ماينفعش ما اذكرهمش








هل أنت سعيد ؟


ايون






الحمدلله على كل حال ونعوذ بالله من احوال اهل النار



لو اجتمعت مع حسني مبارك في مكان واحد هتقول له ايه ؟




هاقول له ان الله يمهل ولا يهمل





وهافكره بمسئوليته الشخصية في قتل وتعذيب وتشريد الألآف من أبناء شعبه





وهاذكره بمصير فرعون و عبدالناصر وصدام وغيرهم من الجبابرة والظلمة وأين انتهى بهم التاريخ في مزابله ، تسبهم وتلعنهم الأجيال القادمة إلى يوم الدين








إيه أكتر موقف محرج تعرضت له ؟



المواقف كتير ولكن أكثرهم احراجاً



كنت قاعد مرة في المحاضرة على البنش الأخير في المدرج وبالأصح هو مش بنش ولكن زي كرسي عريض مكشوف - زي دكة يعني -وكنا قاعديين انا وصاحبي وحاطيين رجل على رجل احنا الاتنين وبنتكلم والدكتور سعيد شلبي دكتور الرمد بيشرح




المهم انا كنا باكلم صاحبي ده ووكنت مديله وشي وباكلمه




فجأة سمعت الدكتور بينادي الاستاذ اللي قاعد وارا وحاطط رجل على رجل .. تعال



انتبهت على كلام الدكتور بيقول وارا ورجل على رجل وبما إن كل الطلبة قاعدين على بنشات واحنا اللي مكشوفين يبقى مافيش غيري انا وزميلي




بصيت له وقلت له : انا





قال ايوة




نزلت خطوتيين على سلم المدرج




بص لي و قال: بسم الله ما شاء الله و طويل كمان .. تعال يا حبيبي جنبي هنا




وقعدني في أول بنش أمامه مباشرة





وبعد ما خلص معايا الموضوع ده ، بص لزميلي لاقاه لسه قاعد برضه قال له : وانت لسه قاعد .. تعال



فنزل صاحبي وجه على أساس انه يقعد جنبي



قال له الدكتور : انت رايح فين





انت هاتقعد جنبه كمان ، لا ... تعال ، اجلس هنا



وقعده في بنش آخر


الموقف ده كله حصل والمدرج كله ميت من الضحك



والمشكلة أن عدد الحضور في المحاضرات بيبقى غالبه بنات بنسبة 90 في الميه لأن الاولاد مش فاضيين يحضروا





وعلى فكره قبل المحاضرة كنت باقول لصاحبي : تيجي نروح يا عم الحاج بلا محاضرة بلا وجع دماغ ، وهو يقول لي لا لازم نحضر يمكن وربما نسمع لنا حاجة تفيدنا



اهه سمع ما لا يرضيه





وسبحان الله بعد الموقف ده ركزت في المحاضرة ومع الدكتور ، ولسه فاكر والله الدرس بتاع المحاضرة دي الى اليوم






بإختصار حياتنا مواقف




الأمنية اللي تتمنى تحقيقها؟



أمنيتي ان يرضى الله عني



لأنه برضاه عني سأرضى عن نفسي



وسيرضى عني الناس




وسأكون ناجحاً في دنياي وأخرتي






احول هذا التاج الى كل من




الأستاذ الفاضل صاحب مدونة وطنــــي



بصراحة تعتبر من أجمل المدونات التي أحرص على قرائتها ومتابعتها






والى الدكتور صاحب مدونة دكتور حر



وإلى المدون العزيز واحد من الناس





تحياتي

posted by أحمد سعيد بسيوني at 5:33 ص

6 Comments:

جميلة اجباتك جدا

واللى لافت نظرى أوى

المواقف اللى بتعشر فيها بالراحة
بجد رائعة الاجابة على السؤال ده
ومميزة جدا

ربنا يوفقك

:)

22 أغسطس، 2007 5:59 ص  

السلام عليكم ورحمة الله وبركاته
ربنا يوفقك فى تحقيق كل امالك
ما شاء الله الامال كلها فى طاعة ربنا
وفقك الله الى المزيد من الخير
والسلام عليكم ورحمة الله وبركاته

22 أغسطس، 2007 6:10 م  

حبيبي البحر

سأظل دائما مقتنعا ان أجمل ما في التاجات أنها تقربك من شخصية الانسان الذي لم تقابله
عموما أجابات رائعة أسأل الله أن يجعلنا من أصحاب اليمين وتم قبول التاج
وتحياتي لك اخي الكريم

22 أغسطس، 2007 6:24 م  

الاخ الفاضل

اجابات حقا بسيطة ولكنها رائعة

اعجبني الموقف بتاع المحاضرة ، ياما الواحد بياخد فيها المحاضرات دي كلام

بس غصب عنه بيحضر بقى وخلاص

تحياتي لك

23 أغسطس، 2007 12:39 ص  

السلام عليكم ردا علي دعوة سيادتكم للاشتراك بالجنة فنحن ندعوك يوم الاثنين بأذن الله الساعه 2 في نادي المحامين بالاسكندرية

3 سبتمبر، 2007 3:56 م  

بارك الله فيك إجاباتك رائعة ومتزنة

6 سبتمبر، 2007 10:50 م  

إرسال تعليق

Links to this post:

إنشاء رابط

<< Home